მენტორ მასწავლებლების კონკურსი

მასწავლებელთა პროფესიული განვითარების ეროვნული ცენტრი მასწავლებლობის მაძიებლობის სახელმწიფო პროგრამის 2011-2012 ხელშეწყობის მიზნით აცხადებს მენტორთა კონკურსს.
2011-2012 სასწავლო წელს მასწავლებლობის მაძიებლობის სახელმწიფო პროგრამა განხორციელდება თბილისის, რუსთავის, გორის, თელავის, ახალციხის, ქუთაისის, ოზურგეთის, ზუგდიდის, ფოთისა და ბათუმის საჯარო და კერძო ზოგადსაგანმანათლებლო დაწესებულებებში.
კონკურსში მონაწილეობის მიღება შეუძლიათ ქართული ენისა და ლიტერატურის, მათემატიკის, გეოგრაფიის, ფიზიკის, ქიმიის, ბიოლოგიის, ისტორიის, ინგლისური ენის, გერმანული ენის, ფრანგული ენის, რუსული ენის, დაწყებითი საფეხურისა და სამოქალაქო განათლების სერტიფიცირებულ პედაგოგებს, რომლებსაც გააჩნიათ პედაგოგად მუშაობის არანაკლებ სამწლიანი გამოცდილება და ასწავლიან საჯარო ან კერძო ზოგადსაგანმანათლებლო დაწესებულებებში.

კონკურსის პირობები, დამატებითი პირობები და ანკეტა იხილეთ მასწავლებელთა პროფესიული განვითარების ეროვნული ცენტრის ვებ-გვერდზე. იხილეთ ბმული: http://tpdc.ge/index.php?option=com_content&view=article&id=8426%3A2011-09-07-08-05-54&catid=1%3A2010-07-05-08-51-38&Itemid=122&lang=ka