GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

 ახალი ამბები

მოსწავლეთა გაერთიანებების ალიანსმა გენერალური ასამბლეა გამართა

საქართველოს სკოლის მოსწავლეთა გაერთიანებების ალიანსმა ილია ვეკუას სახელობის თბილისის ფიზიკა-მათემატიკის 42-ე საჯარო სკოლაში პირველი ორგანიზაციული გენერალური ასამბლეა გამართა. ასამბლეაში 35 მოსწავლე მონაწილეობდა საქართველოს სხვადასხვა რეგიონიდან.

გენერალური ასამბლეის მიზანი მოსწავლეთა პრობლემების, გამოწვევების იდენტიფიცირება და მათი გადაჭრის ხელშესაწყობად კონკრეტული მექანიზმების შემუშავება იყო.

ასამბლეის მონაწილეები სკოლებში არსებულ აქტიურ მოსწავლეთა თვითმმართველობებსა და ახალგაზრდულ კლუბებს წარმოადგენდნენ, მათ ასამბლეის ფარგლებში, გამგეობის მომავალი წევრები აირჩიეს და სამოქმედო გეგმა დაამტკიცეს. ღონისძიების ერთ-ერთ სესიას ევროპის სკოლის მოსწავლეთა საორგანიზაციო ბიუროს გამგეობის წევრი დეიან ბოჯანიჩი (ბრიუსელი) წარუძღვა.

ასამბლეა საქართველოს განათლებისა და მეცნიერების მინისტრის მოადგილემ ალუდა გოგლიჩიძემ გახსნა. მოწვეულ სატუმართა შორის იყვნენ: სპორტისა და ახალგაზრდობის სამინისტროს ახალგაზრდობის დეპარტამენტის უფროსის მოადგილე ვახტანგ ასანიძე, ბავშვთა და ახალგაზრდობის განვითარების ფონდის დირექტორი ირაკლი ჟორჟოლიანი და სხვა ინსტიტუციების წარმომადგენლები.

საქართველოს სკოლის მოსწავლეთა გაერთიანებების ალიანსი ერთადერთი არასამთავრობო, ახალგაზრდული ორგანიზაციაა, რომელიც საქართველოს სკოლებში არსებულ მოსწავლეთა თვითმმართველობებსა და კლუბებს აერთიანებს. ორგანიზაციის მისია საქართველოს სკოლების მოსწავლეთა სამოქალაქო აქტივობებში ჩართვა და მათი ინიციატივების ხელშეწყობაა, როგორც რეგიონულ, ისე საერთაშორისო მასშტაბით.

საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze