GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

 ახალი ამბები

თბილისი სახელმწიფო სამედიცინო უნივერსიტეტის სპეციალური შეთავაზება აბიტურიენტებს!

2013 წლის სექტემბრიდან თბილისის სახელმწიფო სამედიცინო უნივერსიტეტი იწყებს დიპლომირებული მედიკოსის ამერიკულ პროგრამას, რომელიც შემუშავდა თბილისის სახელმწიფო სამედიცინო უნივერსიტეტისა და ემორის უნივერსიტეტის (აშშ, ატლანტა) სამედიცინო სკოლის (ESOM) ერთობლივი პროექტის საფუძველზე.

გარდა ამისა, ინგლისურენოვანი სწავლება და პროგრამის სტრუქტურა უზრუნველყოფს, სწავლის პროცესშივე, აშშ სამედიცინო ლიცენზირების გამოცდის (United State Medical Licensing Examination – USMLE ) ჩაბარებას. სწავლის დასრულების შემდეგ, კურსდამთავრებულს მიენიჭება დიპლომირებული მედიკოსის აკადემიური ხარისხი.

პროგრამის მიზანია აღზარდოს საერთაშორისო მასშტაბით კონკურენტუნარიანი და სათანადო კომპეტენციის მქონე კვალიფიციური ექიმები (მედიკოსები), რომლებიც მზად არიან დიპლომის შემდგომი განათლებისა და სპეციალური მზადებისთვის, როგორც საქართველოში, ასევე მის საზღვრებს გარეთ, კერძოდ, აშშ-ში და 80-ზე მეტ სახელმწიფოში, სადაც მას მუშაობის უფლებას აშშ-ის აღნიშნული ლიცენზია აძლევს.
პროგრამა სრულად ინტეგრირებულია და სტუდენტს საშუალებას აძლევს სწავლის დაწყებისთანავე აქტიურად იყოს ჩართული კლინიკურ საქმიანობაში და ამავდროულად, განახორციელოს სამეცნიერო კვლევა.

პროგრამის ფარგლებში, სტუდენტებს საშუალება მიეცემათ სწავლის, სამეცნიერო კვლევისა და პრაქტიკული საქმიანობის ეტაპები გაიარონ ემორის უნივერსიტეტში, ატლანტა, აშშ. სამეცნიერო კვლევაში აქტიურად ჩართულ სტუდენტს, დიპლომირებული მედიკოსის (M.D.) ხარისხთან ერთად, შესაძლებლობა ეძლევა აიღოს, დამატებით, მაგისტრის ხარისხი მედიცინის მეცნიერებაში (Master of Medical Science) და განსაკუთრებული წარმატების შემთხვევაში - დოქტორის ხარისხი (Ph.D.)

  • სწავლის ხანგრძლივობა 6 წელი;
  •  სწავლის საფასური საქართველოს მოქალაქეებისთვის წლიურად შეადგენს 8.000 ლარს, უცხო ქვეყნის მოქალაქეებისთვის – 10.000 აშშ დოლარს.

თანდართულ ფაილში იხილეთ პროგრამის ბროშურა!

მსურველთა პროგრამაში ჩართვა საქართველოს მოქალაქეებისთვის განხორციელდება ერთიანი ეროვნული გამოცდების საშუალებით. დამატებითი ინფორმაციისთვის დაგვიკავშირდით:

 
ტელ.: 2542449
ელ.ფოსტა: USMDprogram@tsmu.edu
www.tsmu.edu
ვაჟა–ფშაველას N.33, თბილისი, 0186


- ბროშურა_სამედიცინო_ 2013_ geo
- ბროშურა_სამედიცინო_2013_eng

საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze