GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

 ახალი ამბები

დიმიტრი შაშკინი - ხატია დეკანოიძე ახალ ეტაპზე გადაიყვანს განათლების სისტემას

დარწმუნებული ვარ, ხატია დეკანოიძე ახალ ეტაპზე გადაიყვანს განათლების სისტემას, - ამის შესახებ საქართველოს განათლებისა და მეცნიერების მინისტრმა, დიმიტრი შაშკინმა დღეს, გამოცდების ეროვნული ცენტრის ახალი ხელმძღვანელის ხატია დეკანოიძის წარდგენისას განაცხადა.
ამ თანამდებობაზე პოლიციის აკადემიის რექტორმა ხატია დეკანოიძემ მაია მიმინოშვილი შეცვალა. დეკანოიძე განათლების სისტემის თანამშრომლებს დიმიტრი შაშკინმა განათლების სამინისტროში წარუდგინა. მინისტრის შეფასებით დეკანოიძე არის ადამიანი, რომელიც უშუალოდ მონაწილეობდა იმ წარმატებულ რეფორმებში, რომელიც ქვეყანაში განხორციელდა.
"დარწმუნებული ვარ, ეს არის ადამიანი, რომელიც ახალ ეტაპზე გადაიყვანს განათლების სისტემას",- განაცხადა დიმიტრი შაშკინმა.
ამასთან, მინისტრის განმარტებით, დეკანოიძის მთავარი ამოცანა იქნება ერთიანი ეროვნული გამოცდების წარმატების ჩატარება და რეფორმების გაგრძელება.
"მისი მთავარი ამოცანაა ერთიანი ეროვნული გამოცდები ჩატარდეს წარმატებულად და ის აუცილებლად ჩატარდება საუკეთესოდ", - აღნიშნა შაშკინმა.
ხატია დეკანოიძის წარდგენას თბილისის სკოლების დირექტორები, განათლების ეროვნული ცენტრის თანამშრომლები, ლექტორები და განათლების სისტემის სხვა წარმომადგენლები ესწრებიან.
მაია მიმინოშვილი გამოცდების ეროვნული ცენტრის დირექტორის თანამდებობიდან დიმიტრი შაშკინის ბრძანებით, 28 მაისს გაათავისუფლეს.
ოფიციალურ მიზეზად "პრინციპული პოზიციების შეუთავსებლობა" დასახელდა. თუმცა არაოფიციალურ ვერსიით, საუბარია იმაზეც, რომ მაია მიმინოშვილის შვილი 27 მაისს "ქართული ოცნების" აქციაზე იმყოფბოდა. გარდა ამისა, გავრცელდა მაია მიმინოშვილის ძმის, მუსიკოს ზაზა მიმინოშვილის კომენტარიც, სადაც იგი ამბობს, რომ მაია მიმინოშვილის გათავისუფლების მიზეზი შესაძლოა, მისი და "ქართული ოცნების" პრესსპიკერის, მაია ფანჯიკიძის სატელეფონო საუბარი გამხდარიყო.

საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze