GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

 ახალი ამბები

უცხოელი პედაგოგების საქველმოქმედო აქცია უნარშეზღუდული ბავშვებისთვის

”ასწავლე და ისწავლე საქართველოსთან ერთად” პროგრამის მონაწილე უცხოელი პედაგოგები არასამთავრობო ორგანიზაცია First Step Georgia-ს ცენტრს ესტუმრნენ და შეზღუდული შესაძლებლობების მქონე ბავშვები მოინახულეს.

სპეციალურად ბავშვებისთვის უცხოელმა პედაგოგებმა სხვადასხვა აქტივობები - სიმღერები, თამაშები მოამზადეს და ცენტრის ბავშვები რამდენიმე საათის განმავლობაში გაართეს.

”ასწავლე და ისწავლე საქართველოსთან ერთად” პროგრამის მონაწილე უცხოელი პედაგოგები საქართველოში მსოფლიოს თითქმის ყველა ქვეყნიდან - კანადიდან, ამერიკის შეერთებული შტატებიდან, დიდი ბრიტანეთიდან, სამხრეთ აფრიკიდან, ავსტრალიიდან, ლიტვიდან, ირლანდიიდან, ფილიპინებიდან, ჩეხეთიდან და ა.შ. იმყოფებიან.

საქართველოს ყველა რეგიონის სკოლაში ისინი ქართველ მასწავლებლებთან ერთად მოსწავლეებს ინგლისურ ენას ასწავლიან თუმცა, საკუთარი ინიციატივით, პარალელურად ისინი მსგავს ღონისძიებებში ჩაერთნენ. როგორც თბილისში, ასევე საქართველოს ყველა რეგიონში ისინი სისტემატურად სტუმრობენ არა მხოლოდ მზრუნველობამოკლებულ, არამედ შეზღუდული შესაძლებლობების მქონე ბავშვებს. საქართველოს განათლებისა და მეცნიერების სამინისტროს ხელშეწყობით, უცხოელი პედაგოგები სპეციალური გასართობი პროგრამებით ბავშვებთან ვიზიტებს თავად გეგმავენ და თავადვე ახორციელებენ.

ზაფხულის განმავლობაში მოხალისე მასწავლებლები სხვადასხვა საგანმანათლებლო პროექტებში ჩაერთვებიან, მათ შორის მონაწილეობას მიიღებენ საზაფხულო სკოლების საქმიანობაში და მოსწავლეებს ინგლისურს გაძლიერებულად შეასწავლიან.

საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze