ინსტრუქცია მასწავლებელთა პროფესიული განვითარების ვაუჩერული დაფინანსების პროგრამის ფარგლებში გამოყოფილი ვაუჩერით სარგებლობის შესახებ

მასწავლებელთა პროფესიული განვითარების ცენტრი ახორციელებს ,,მასწავლებელთა პროფესიული განვითარების ვაუჩერული დაფინანსების პროგრამას”. მასწავლებელის პროფესიული განვითარების ვაუჩერი ითვალისწინებს პროფესიული განვითარების აკრედიტებული ტრენინგ-პროგრამების დაფინანსებას მოქმედი მასწავლებლებისათვის. პირველ ეტაპზე ფინანსდება მასწავლებელთა პროფესიული განვითარების პროგრამები საბაზო და საშუალო სკოლის ქართულის, მათემატიკისა და უცხო ენების (ინგლისური, გერმანული, ფრანგული,  რუსული)  მასწავლებლებისათვის.

 მასწავლებლის პროფესიული განვითარების ვაუჩერი შესაძლებლობას მისცემს მასწავლებელს, პროფესიული საჭიროებებიდან გამომდინარე, შეარჩიოს  მასწავლებლის პროფესიული განვითარების აკრედიტებული საგანმანათლებლო პროგრამა/პროგრამები და ეტაპობრივად, უფასოდ გაიაროს  პროგრამის/პროგრამების კურსი სულ 4 კრედიტის ოდენობით.  მოცემული 4 კრედიტიდან, 2 კრედიტი განსაზღვრულია საგნობრივი და 2 კრედიტი - პროფესიული უნარ-ჩვევების პროგრამების დაფინანსებისათვის. მასწავლებელი, პროფესიული საჭიროებიდან გამომდინარე, უფლებამოსილია, შეარჩიოს ორივე სახის პროგრამა, სულ 4 კრედიტის ოდენობით. ან დაფინანსებული 4-ვე კრედიტი გამოიყენოს მხოლოდ  საგნობრივი, ან მხოლოდ პროფესიული უნარ-ჩვევების განვითარებისათვის.

 ყურადღებით გაეცანით აკრედიტებული პროგრამების ჩამონათვალს, შეარჩიეთ თქვენთვის საინტერესო  კურსი  და შესაბამისი პროგრამის ანოატაცია. აკრედიტებული პროგრამების ანოტაციები ოთხ ნაწილად არის წარმოდგენილი: ქართული, მათემატიკა, უცხო ენა (ინგლისური, გერმანული, ფრანგული, რუსული) და პროფესიული უნარ-ჩვევები.

მასწავლებლის პროფესიული განვითარების საგანმანათლებლო პროგრამისათვის რეგისტრაციამდე  გაეცანით თანდართულ მასწავლებლის ინსტრუქციას პროფესიული განვითარების ვაუჩერების ადმინისტრირებისა  და მოხმარების წესის შესახებ.

აქვე შეგიძლიათ გაეცნოთ აკრედიტებული პროგრამების ნუსხას სხვა საგნებისთვისაც.

დეტალური ინფორმაციის მისაღებად, დაუკავშირდით აკრედიტებული პროგრამის განმხორციელებელ ორგანიზაციას.