GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

 ახალი ამბები

სპეცმასწავლებელთა გადამზადება მიმდინარეობს

საქართველოს განათლების და მეცნიერების სამინისტროს ინიციატივით, სკოლაში, სადაც ერთი ან მეტი სპეციალური საგანმანათლებლო საჭიროებების მქონე (სსსმ) მოსწავლე სწავლობს, მიმდინარე სასწავლო წლიდან, ინკლუზიური განათლების ერთი ან რამოდენიმე სპეციალისტი (სპეციალური მასწავლებელი; კოორდინატორი; ფსიქოლოგი) მუშაობს.

იმ მიზნით, რომ სსსმ მოსწავლეებს შევთავაზოთ ინკლუზიური და სპეციალური განათლების ეფექტიანი სწავლება, სამინისტროს მასწავლებელთა პროფესიული განვითარების ეროვნული ცენტრი ახორციელებს ტრენინგებს სახელწოდებით „სპეციალური მასწავლებლის პროფესიული განვითარების კურსი“. ტრენინგის მიმდინარეობას დღეს, საქართველოს განათლების და მეცნიერების მინისტრი თამარ სანიკიძე გაეცნო.

„სპეციალური მასწავლებლის პროფესიული განვითარების კურსი“ განკუთვნილია ყველა მასწავლებლისთვის, სკოლის ფსიგოლოგისა და ინკლუზიური განათლების კოორდინატორისთვის, რომელიც ფლობს ბაზისურ ცოდნას სპეციალურ პედაგოგიკაში და მიზნად ისახავს სპეციალური საგანმანათლებლო საჭიროებების მქონე მოსწავლეებთან მუშაობას ზოგადსაგანმანათლებლო ან სპეციალიზირებულ საჯარო სკოლაში.

კურსი შედგება სამი ურთიერთდაკავშირებული თეორიული და პრაქტიკული მოდულისგან. თითოეული მოდულის ხანგრძლივობაა 10 სამუშაო დღე, დღეში 4 საათი. ყოველი მოდულის შემდეგ მონაწილეებს მიღებული ცოდნის პრაქტიკაში დანერგვის შესაძლებლობა ეძლევათ (საშინაო დავალება). შესაბამისად, მთლიანი კურსი: ლექციებით და ლექციებს შორის ერთკვირიანი შუალედებით - 2 თვე გრძელდება.

კურსის სამივე მოდული მონაწილეებს უზრუნველყოფს თეორიული და პრაქტიკული ცოდნით სპეციალურ პედაგოგიკაში. კურსის წარმატებულად გავლის დამადასტურებელი ცნობის მოსაპოვებლად აუცილებელია: კურსზე დასწრება, აქტიური მონაწილეობა ჯგუფურ და ინდივიდუალურ აქტივობებში; საშინაო დავალებების შესრულება და კურსის დამთავრებიდან ორი კვირის შემდეგ, გამოცდის წარმატებით ჩაბარება.

საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze