GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

 ახალი ამბები

თეთრიწყაროს რაიონში ახალი სკოლის მშენებლობა მიმდინარეობს

თეთრიწყაროს რაიონის სოფელ სამღერეთში ახალი სკოლა შენდება. სკოლის წარმომადგენლებსა და მშენებლებს დღეს, საქართველოს განათლებისა და მეცნიერების მინისტრი თამარ სანიკიძე შეხვდა და პირადად გაეცნო მშენებლობის მიმდინარეობას.

სოფელ სამღერეთის საჯარო სკოლა, გასული საუკუნის 40-იან წლებში იყო აშენებული. სკოლას არ ჰქონდა საკმარისი რაოდენობის საკლასო ოთახი, თავად შენობა ამორტიზირებული იყო და კაპიტალურ რემონტს არ ექვემდებარებოდა. გასული წლის ბოლოს ძველი შენობის დემონტაჟი განხორციელდა და ახალი სკოლის მშენებლობა დაიწყო.

სკოლა ამჟამად კერძო სახლშია დროებით განთავსებული და სწავლა შეუფერხებლად მიმდინარეობს. სოფელი სამღერეთი აჭარის ეკომიგრანტებით არის დასახლებული, შესაბამისად, სკოლა ქართულენოვანია და 100-მდე მოსწავლე სწავლობს, მათგან 12 ადმინისტრაციულად შემოერთებულ შიხილოს დაწყებითი აზერბაიჯანული სკოლიდან დადის და მათ 2013 თებერვლიდან, სამინისტროს მიერ დანიშნული მიკროავტობუსი ემსახურებათ. თეთრიწყაროს რაიონში მიკროავტობუსი კიდევ 11 საჯარო სკოლას ემსახურება.

სოფელში დემოგრაფიული მდგომარეობა არის ზრდადი, შესაბამისად, ახალი სკოლა 150 მოსწავლეზეა გათვლილი. სკოლას ექნება თანამედროვე გათბობის სისტემა, საბუნებისმეტყველო და საინფორმაციო ტექნოლოგიების კაბინეტები თანამედროვე სასკოლო მერხებით, დაფებითა და ახალი კომპიუტერებით. თანამედროვე სტანდარტების სკოლაში ყველა პირობა იქნება შექმნილი, რათა მოსწავლემ ისეთივე სრულყოფილი განათლება მიიღოს, როგორც ნებისმიერ ევროპულ ქვეყანაშია შესაძლებელი. მშენებლობა 2014 წლის დეკემბერში დასრულდება.

საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze