GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

 ახალი ამბები

ამერიკული საბაკალავრო პროგრამები ქართულ უნივერსიტეტებში

საქართველოში პირველად, ამერიკული უნივერსიტეტები საქართველოს სახელმწიფო უნივერსიტეტებთან ერთად, საბაკალავრო პროგრამებს საინჟინრო სპეციალობებში, ტექნოლოგიებში და საბუნებისმეტყველო მეცნიერებებში განახორციელებენ. კურსდამთავრებულებზე კი, ამერიკული უნივერსიტეტის დიპლომი გაიცემა. პროექტი საქართველოსა და აშშ-ის შორის 2013 წელს ხელმოწერილი ათასწლეულის გამოწვევის კორპორაციის მეორე კომპაქტის ფარგლებში ხორციელდება. საერთაშორისო კომისიის მიერ კონკრეტულად რომელი უნივერსიტეტი იქნება შერჩეული მარტში გახდება ცნობილი. კომისიამ სამუშაო შეხვედრა დღეს სასტუმრო შერატონში გამართა.

უცხოელი ექსპერტებისგან შემდგარი სატენდერო კომისია აფასებს პროექტებს და შეარჩევს გამარჯვებულს. ამ ეტაპზე, საქართველოს სახლემწიფო უნივერსიტეტებთან ერთად, ორი ნახევარფინალისტი ამერიკული უნივერსიტეტი განიხილება. ეს ამერიკული უნივერსიტეტებია - სან დიეგოს სახელმწიფო უნივერსიტეტი და ჩრდილოეთ კაროლინას სახელმწიფო უნივერსიტეტი ობურნის უნივერსიტეტთან ერთად.

ქართულ-ამერიკული პროექტის მიზანია საქართველოში სტუდენტებს საბუნებისმეტყველო მეცნიერებების, ტექნოლოგიებისა და საინჟინრო მიმართულებით, საერთაშორისო დონის საბაკალავრო პროგრამები შესთავაზოს, რომელიც ამერიკული უნივერსიტეტის დიპლომს გასცემს.

„ჩვენი უნივერსიტეტის გამარჯვების შემთხვევაში, შევიმუშავებთ და განვავითარებთ პროგრამას, რომელიც კვალიფიციურ მუშახელს მოამზადებს და საქართველოს ეკონომიკურ განვითარებაში დაეხმარება” - განაცხადა ჩრდილოეთ კაროლინის უნივერსიტეტის წარმომადგენელმა მერიენ მაქქორდმა.

სან დიეგოს უნივერსიტეტის პრორექტორის ნენსი მერლინის განცხადებით - ჩვენს გეგმაში შედის საქართველოს სტუდენტებისთვის ამერიკული აკრედიტაციის მქონე სასწავლო პროგრამების შეთავაზება საბუნებისმეტყველო მეცნიერებების, საინჟინრო, ტექნოლოგიური და მათემატიკის მიმართულებით. ჩვენ არა მარტო ამერიკული დიპლომის საბაკალავრო პროგრამებს შევთავაზებთ სტუდენტებს, არამედ ვიმუშავებთ საქართველოს უნივერსიტეტებთან, რათა მათ შესაბამისი ამერიკული აკრედიტაცია მოიპოვონ.

ზემოაღნიშნული პროექტი საქართველოსა და აშშ-ს შორის 2013 წელს ხელმოწერილი ათასწლეულის გამოწვევის კორპორაციის მეორე კომპაქტის ფარგლებში ხორციელდება და მიზნად ისახავს სტრატეგიულ ინვესტიციებს და პროექტების განხორციელებას საქართველოს ზოგადი, პროფესიული და უმაღლესი განათლების განვითარებისთვის, რაც ბენეფიციარების უფრო ფართო სპექტრს მოიცავს.

საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze