GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

 სხვადასხვა
შეკითხვა

ნინო ბუჯიაშვილი

ვარ ინგლისური ენის პედაგოგი და მინდა პროექტში ”ასწავლე საქარველოს” მონაწილეობის

მიღება. მაინტერესებს სად უნდა დავრეგისტრირდე და ან როგორ მივიღო ინფორმაცია

კონკრეტულად რომელ რაიონებში ხორციელდება ეს პროგრამა? გმადლობთ წინასწარ

პასუხი


მასწავლებელთა ვაკანსიების შესახებ ინფორმაციისთვის , იხილეთ ვებ–გვერდი :

http://tpdc.ge/index.php?option=com_content&view=article&id=136&Itemid=77&lang=ka 

 

   www.pedagogi.ge

 
შეკითხვა

მანანა მწარიაშვილი

მაინტერესებს სკოლაში ინფორმაცია  მანდატურების თაობაზე.

პასუხი

    საქართველოს განათლებისა და მეცნიერების სამინისტრო თბილისის საჯარო სკოლებისთვის მანდატურების შესარჩევ კონკურსს აცხადებს. კონკურსში მონაწილეობის მიღება 20-დან 45 წლამდე დაინტერესებულ პირებს შეეძლებათ. კონკურსის თაობაზე განცხადება დიმიტრი შაშკინმა შინაგან საქმეთა სამინისტროს აკადემიაში მანდატურებთან, მოსწავლეებთან, მათ მშობლებთან და მასწავლებლებთან შეხვედრაზე გააკეთა და ამ თემაზე მომზადებული საინფორმაციო კლიპის  პრეზენტაციას დაესწრო.

     თბილისის შვიდ საპილოტე  სკოლაში მანდატურები ერთი კვირის წინ შევიდნენ და უკვე შეიძლება ითქვას პროექტი შედგა. ბავშვები დახმარებისთვის მანდატურებს ხშირად მიმართავენ, მანდატურებიც მათ აქტიურად ეხმაურებიან. ამის კარგი მაგალითია მე-11 საჯარო სკოლაში მომხდარი ინცინდენტი - მე-11 კლასელმა  მარიამ თეთრაძემ მანდატურის დახმარებით დაკარგული მობილური ტელეფონი დაიბრუნა. ამ მოსწავლეს მინისტრი პირადად შეხვდა.

 დიმიტრი შაშკინმა საპილოტე სკოლებში მანდატურთა საქმიანობის პირველ შედეგებზე ინფორმაცია შსს აკადემიაში შეკრებილი მოსწავლეებიდან, მათი მშობლებიდან და მასწავლებლებიდანაც მოისმინა, როგორც მათ აღნიშნეს მანდატურებთან დამოკიდებულება ძალზე პოზიტიურია და ურთიერთპატივისცემაზეა დამყარებული.

  მანდატურების მსურველთა კანდიდატთა რეგისტრაცია ხორციელდება სამინისტროს მიერ ახალი სასწავლო წლიდან სკოლებში შესვლის მიზნით.  ამ ეტაპზე  საქართველოს  განათლებისა და მეცნიერების სამინისტროს ოფიციალურ ვებ–გვერდზე  შესაძლებელია მანდატურობის კანდიდატის  განაცხადის ფორმის შევსება. http://mes.gov.ge/content.php?id=790

 
შეკითხვა

სახელმძღვანელოს არჩევა ვისი პრეროგატივაა?

პასუხი

სახელმძღვანელო ეს არის საგნობრივი შედეგების მისაღწევი საშუალება, რომლითაც წლის მანძილზე ხელმძღვანელობს მასწავლებელი. შესაბამისად, მისი შერჩევა პირველ რიგში ეხება მასწავლებელს. მან უნდა შეაჯეროს თავისი არჩევანი სკოლაში შესაბამისი საგნის სხვა მასწავლებლებთან, რადგან სკოლის ფარგლებში ერთი სახელმძღვანელო უნდა გამოიყენებოდეს. სხვას _ დირექცია იქნება ეს თუ რესურს ცენტრი - არ აქვს უფლება თავისი არჩევანი საგნის მასწავლებელს მოახვიოს თავს.

 
შეკითხვა

ახალი სასწავლო წლის დაწყება რეგიონებში ისევ განსხვავებული იქნება?

პასუხი

ამ მიმართულებით ცვლილებები საჭირო გახდება თუ არა ჯერ არ არის ცნობილი. ეს დამოკიდებულია მნიშვნელოვანწილად პროგრამა "იაკობ გოგებაშვილის" მსვლელობაზე (ანუ სკოლების რემონტების ტემპებზე). ასევე სწავლა შეიძლება დაიწყოს რეგიონების მიხედვით სხვადასხვა დროს სექტემბრის ფარგლებში, ადგილობრივი კლიმატური ან ეკონომიკური თავისებურებების გათვალისწინებით. ცვლილებების შემთხვევაში სასწავლო წლის დასრულებამდე თქვენთვის ეს ინფორმაცია ცნობილი გახდება.

 
შეკითხვა

კერძო სკოლები ვალდებულები არიან, რომ ახალი სასწავლო გეგმით სწავლებაზე გადავიდნენ?

პასუხი

კანონის "ზოგადი განათლების შესახებ" შესაბამისად ზოგადსაგანმანათლებლო სკოლებისათვის სავალდებულოა, საგნობრივ ეროვნულ სასწავლო გეგმებში გათვალისწინებული შედეგების მიღწევა. ასევე კერძო სკოლას შეუძლია ისარგებლოს სამინისტროს მიერ რეკომენდირებული სახელმძღვანელოებით, ან თავად შეადგინოს პროგრამა, რომელიც მოსწავლეს საშუალებას მისცემს მიაღწიოს სტანდარტით გათვალისწინებულ შედეგებს. სხვა მხრივ, კერძო სკოლების დამოუკიდებლობის ხარისხი ბევრად უფრო მაღალია. მაგალითად, ისინი არ არიან ვალდებულები ისარგებლონ საჯარო სკოლებისთვის განსაზღვრული საათობრივი ბადით.

 
შეკითხვა

უზრუნველყოფს თუ არა სამინისტრო ყველა სკოლას თვალსაჩინოებებით?

პასუხი

ერთდროულად ყველა სკოლის მოცვა თვალსაჩინოებებით გართულდება. განათლებისა და მეცნიერების სამინისტროს მიერ განისაზღვრება პრიორიტეტები და ეტაპობრივად განხორციელდება სკოლების უზრუნველყოფა.

 
შეკითხვა

სად შეიძლება გავიგო, რომელი სკოლა არის პრივატიზაციის სიაში?

პასუხი

საპრივატიზაციო ობიექტების სრული ნუსხა შეგიძლიათ ნახოთ ინტერნეტ გვერდზე www.privatization.ge

 
შეკითხვა

აუცილებელია თუ არა კლასის ხელმძღვანელების კათედრის ფუნქციონირება?

პასუხი

ეროვნულ სასწავლო გეგმაში განსაზღვრულია საგნობრივი ჯგუფების კათედრების ფუნქციონირება, სადაც ყველა საგნობრივი მასწავლებელი იქნება გაერთიანებული, მაგრამ ეს არ არის დადგენილი ნორმა. თუკი სკოლაში მიიჩნევთ, რომ კლასის დამრიგებლების კათედრის არსებობა გააუმჯობესებს მათ საქმიანობას, შეგიძლიათ ასეთი კათედრა დააარსოთ.

 
შეკითხვა

თუკი სკოლას ჰყავს ორი საგნობრივი მასწავლებელი, ხოლო საათების რაოდენობა მხოლოდ ერთისათვის არის საკმარისი, როგორ უნდა გაკეთდეს მათ შორის არჩევანი?

პასუხი

ასეთი არჩევანის გაკეთება შეიძლება კრიტერიუმების მართებული შერჩევით. უნდა გაკეთდეს კრიტერიუმების ჩამონათვალი. ამ კრიტერიუმების შემუშავება უნდა იყოს სამეურვეო საბჭოსა და პედაგოგიური საბჭოს ერთობლივი შრომის შედეგი. მაგალითად, კრიტერიუმების ჩამონათვალში შეიძლება შედიოდეს პედაგოგის განათლება და კვალიფიკაცია, რაც გულისხმობს მის აკადემიურ ხარისხს; პედაგოგიური გამოცდილება (სტაჟი); მისი ობიექტური დახასიათება, როგორც კოლეგების მხრიდან, ისე მოსწავლეების შედეგების გათვალისწინებით.
რომ არ მოხდეს ისე, რომ დამწყები მასწავლებელი შერჩევისას უთანაბრო პირობებში აღმოჩნდეს სტაჟიან მასწავლებელთან, სასურველია, ორივე კანდიდატმა მოაწყოს საჩვენებელი ღია გაკვეთილი, რომელსაც დაესწრება დირექცია და სხვა გადაწყვეტილების მიმღები პირები, ასევე კონკურსში მონაწილე მასწავლებელი. ამ გაკვეთილების შედეგების განხილვა, შეფასება საშუალებას მისცემს დირექტორს, რომ მიიღოს სწორი გადაწყვეტილება მასწავლებლის შერჩევისას.

 
შეკითხვა

დაწყებით I-IV კლასებში არის 34 მოსწავლე. რა შემთხვევაში ეკუთვნის ამ კლასებს კოორდინატორი ან დამრიგებელი?

პასუხი

თითოეულ მოსწავლეს უნდა ყავდეს სკოლაში დამრიგებელი. დაწყებით საფეხურზე ყველა კლასს თავისი დამრიგებელი ჰყავს. თუ კლასში დაწყებით საფეხურზე 20 მოსწავლეზე მეტი სწავლობს, სასურველია, კლასს ორი დამრიგებელი ჰყავდეს. არ არის აუცილებელი, რომ დამრიგებელი ასწავლიდეს ამ მოსწავლეებს.

 
პირველი გვერდი > [2] > [3] > [4] > [5] > [6] > [7] > [8] > [9]
საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze