GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

 სხვადასხვა
შეკითხვა


როგორი იქნება სექტემბრიდან სკოლაში სწავლება და იქნება თუ არა აბიტურიენტებისთვის რაიმე ახალი მომოვალ წელს?

პასუხი

სექტემბრიდან სწავლება იქნება სემესტრული (ნაცვლად ტრიმესტრულისა); ასევე შეიცვლება შეფასების სისტემა, აღარ იქნება პროცენტების დათვლის საჭიროება. ათბალიანი სისტემით მოხდება მოსწავლის შეფასება სამ კომპონენტში (საშინაო დავალება, საკლასო სამუშაო და საკონტროლო). სექტემბრიდან სკოლებში შევა ახალი ნიმუშის სასკოლო ჟურნალიც. რაც შეეხებათ მომავალი წლის აბიტურიენტებს, ისინი ერთიანი ეროვნული გამოცდების ნაცვლად ჩააბარებენ საატესტატო და სააბიტურე გამოცდებს, თუმცა აღნიშნული საკითხი ჯერ ისევ დამუშავების პროცესშია და ეტაპობრივად გახდება ცნობილი სიახლეები.

 
შეკითხვა

გთხოვთ, მიპასუხოთ,კომპიუტერით დაჯილდოვდება თუ არა მეცხრე კლასის მოსწავლე,რომლის
სამი წლის შედეგები ყველა საგნის შეჯამებით შეადგენს 9,94 ?

პასუხი


საგანმანათლებლო და სამეცნიერო ინფრასტრუქტურის განვითარების სააგენტოს მონაცემებით ლეპტოპის მისაღებად საჭიროა საბაზო საფეხურის საერთო ქულა იყოს 10 დამრგვალების გარეშე .

 
შეკითხვა

მაინტერესებს დეკრეტული შვებულების შესახებ . ანაზღაურება, ვადები და ა.შ , სად შეიძლება მოვიძიო ეს ინფორმაცია ?

პასუხი

თქვენს მიერ აღნიშნული საკითხი განხილულია საქართველოს შრომის კოდექსში , კერძოდ კი მე–6 თავში, სადაც დეტალურად არის განსაზღვრული ყველა პირობა . საქართველოს შრომის კოდექსი შეგიძლიათ იხილოთ შემდეგ ბმულზე

http://tpdc.ge/images/pdf/shromis%20kodeqsi.pdf

 
შეკითხვა

მსურს გავიგო, მართალია, რომ ახალი სასწავლო გეგმიდან ამოღებულია საგანი ,,ინფორმატიკა’’ ?

პასუხი

ახალი სასწავლო წლიდან საგანი ,, ინფორმატიკა’’არ არის ამოღებული სასწავლო გეგმიდან, იგი სავალდებულო საგანი იქნება ყველა სკოლის მეხუთე კლასში და საპილოტე სკოლების პირველ კლასში.

 
შეკითხვა

განათლებით ვარ ფილოლოგი .მინდა დაწყებით კლასებში ვიმუშავო მასწავლებლად .მაინტერესებს, არსებობს თუ არა გადამზადების კურსები, რომ გავიარო და ავიღო სერთიფიკატი დაწყებით კლასებში სასწავლებლად

პასუხი

2014 წლამდე უმაღლესი განათლებით შეგიძლიათ სკოლაში მუშაობის დაწყება,  2014 წლიდან კი სერთიფიცირებასთან ერთად დაწყებით საფეხურზე  სკოლის მასწავლებლისთვის აუცილებელი იქნება განათლების ბაკალავრის აკადემიური ხარისხი.

დამატებითი ინფორმაციისათვის იხილეთ მასწავლებელთა პროფესიული განვითარების ეროვნული ცენტრის ვებ–გვერდი www.tpdc.ge

 
შეკითხვა

რა ნიშნები უნდა ქონდეს ბავშვს, რომ მიიღოს ლეპტოპი და შემდეგ ოქროს მედალი?

პასუხი

საქართველოს განათლებისა და მეცნიერების მინისტრის 2009 წლის 4 დეკემბრის №1103 ბრძანებით 2006 წლის 28 სექტემბრის №841 ბრძანებით დამტკიცებულ ეროვნულ სასწავლო გეგმაში შევიდა ცვლილება ნიშნის გამოყვანის წესთან დაკავშირებით.
ოქროსა და ვერცხლის მედლების გაცემა ხდება მესამე საფეხურის ( მე-10, მე-11, მე-12 კლასი) თითოეული საგნის წლიური ნიშნის გათვალისწინებით;
ოქროსა და ვერცხლის მედლების გაანგარიშებისას მხედველობაში არ მიიღება მოსწავლის შეფასება თითოეული სემესტრის მიხედვით;
საგნის წლიური ნიშანი მრგვალდება და გამოიხატება ერთი ნიშნით ოქროს მედალს მიიღებს ის მოსწავლე, რომლის ყველა საგნის თითოეული წლის ნიშანი მესამე საფეხურზეარის დამრგვალებული 10.
ვერცხლის მედალს მიიღებს ის მოსწავლე, რომლის ყველა საგნის თითოეული წლის დამრგვალებულინიშნების საშუალო არითმეტიკული მესამე საფეხურზე არის 9.8 დან - 10 მდე.

 
შეკითხვა
რამდენი სკოლა მიიღებს ვარსკვლავს 2010-1011 სასწავლო წლებში?
პასუხი

რამდენი სკოლაც დააკმაყოფილებს განათლებისა და მეცნიერების სამინისტროს მოთხოვნებს, იმდენ სკოლას აქვს შესაძლებლობა მიიღოს შესაბამისი რაოდენობის ვარსკვლავი.


დაწვრილებითი ინფორმაცია შეგიძლიათ იხილოთ შემდეგ ბმულებზე :
http://mes.gov.ge/content.php?id=942&lang=geo
http://mes.gov.ge/content.php?t=srch&search=საატესტატო%20გამოცდები&id=1037&lang=geo

 
შეკითხვა

დაურიგდებათ წელს პირველკლასელებს ლეპტოპები?

პასუხი

2010 წლის სექტემბერში ეს პროექტი საპილოტო სკოლებში განხორცილდება, მათ შორის იქნება ბათუმის, ზუგდიდისა და წეროვნის სკოლები, ასევე სამ-სამი სკოლა ქუთაისსა და თბილისში. ამ სკოლების ყველა პირველკლასელს სახელმწიფო ნეტბუქებს აჩუქებს.
სექტემბერში კომპიუტერები 2500 პირველკლასელ ბავშვს გადაეცემა , რომლებიც საპილოტე სკოლებში სწავლობენ. აგვისტოში ამ სკოლების მასწავლებლები სპეციალური მომზადების დაახლოებით ერთთვიან კურსებს გაივლიან, თუ როგორ უნდა გამოიყენონ კომპიუტერი სასწავლო პროცესში. კომპიუტერებში ჩატვირთული იქნება სასწავლო პროგრამები უცხო ენაში, ქართულში, მათემატიკასა და ლოგიკაში.მომავალში იგეგმება აღნიშნული ნეტბუქების ყველა პირველკლასელისთვის გადაცემა.

იხილეთ შემდეგი ბმული
http://mes.gov.ge/content.php?id=845&lang=geo

 
შეკითხვა

ჩემი გოგონა 17 სექრემბერს ხდება 5 წლის . მიიღებენ წელს პირველ კლასში ? ბრძანება 5 წლიანების მიღების შესახებ უკვე დამტკიცდა თუ არა?

პასუხი

  ბრძანება 5 წლის ბავშვის სკოლაში მიღებასთან დაკავშირებით არსებობს, რომელიც ძალაში შევიდა 2010 წლის 31 მაისს. აღნიშნული  ბრძანების თანახმად, ,, საქართველოს ზოგადსაგანმანათლებლო დაწესებულებებში სასწავლო წელს პირველ კლასში ჩაირიცხებიან ბავშვები, რომლებსაც 6 წელი შეუსრულდებათ შესაბამისი სასწავლო წლის დასრულებამდე’’.
ბრძანების სრული ვერსია იხილეთ შემდეგ ბმულზე:


http://www.mes.gov.ge/content.php?id=193&module=legislation&page=detals&leg_id=1065

 
შეკითხვა

გიორგი  აბაშიძე

მასწავლებელს აქვს უფლება რომ მოსწავლეს ხელით შეეხოს?

პასუხი

სასწავლო პროცესის სრულყოფისათვის აუცილებელია, სკოლამ არა მარტო ხარისხიანი ცოდნა შესთავაზოს მოსწავლეს, არამედ სასწავლო პროცესში მონაწილე მხარეებს შორის ეთიკურად მიზანშეწონილი და საზოგადოებრივად გამართლებული ურთიერთობების დამკვიდრებას შეუწყოს ხელი.

ეთიკის კოდექსის მიზანია, დაეხმაროს მასწავლებელს ეთიკურად გამართლებული ქმედებების წარმართვაში, მასწავლებელმა თავისი ქცევით დემოკრატიული აზროვნების, ტოლერანტობის, ადამიანის უფლებათა დაცვის მაგალითი მისცეს მოსწავლეს, აჩვენოს, როგორია კორექტული ქცევა საზოგადოდ თუ კონკრეტულ სიტუაციაში.

ასევე შეგიძლიათ იხილოთ საქართველოს კანონი ზოგადი განათლების შესახებ  მუხლი 20

http://tpdc.ge/index.php?option=com_content&view=article&id=95&Itemid=74&lang=ka

 
პირველი გვერდი > [2] > [3] > [4] > [5] > [6] > [7] > [8] > [9]
საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze