GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

 სხვადასხვა
შეკითხვა

2009 წელს ჩავირიცხე ზუგდიდის დამოუკიდებელ უნივერსიტეტში დაფინასების გარეშე. 2010 წლის დადგენილების შემდეგ გამოვიტანე საბუთები, რადგან სახელმწიფო არ აღიარებს არააკრედიტებული სასწავლებლის დიპოლომს. ვიყავი მეორე კურსზე და ამ უნივესიტეტში მიღებული კრედიტებით შემიძლია თუ არა სწავლა გავაგრძელო რომელიმე სახელმწიფო უნივერსიტეტში?

პასუხი

თქვენ მოგიწევთ ეროვნული გამოცდების ჩაბარება იმისათვის რომ ირიცხებოდეთ რომელიმე სახელმწიფო, აკრედირებულ უმაღლეს სასწავლებელში. სამწუხაროდ საბუთების გადატანის უფლებას არ გაძლევთ კანონი.

 
შეკითხვა
მაინტერესებს როდის გამოვა ეროვნული სასწავლო ოლიმპიადის მეორე ტურის შედეგები.
პასუხი

ნაშრომების გასწორებას დასჭირდება   2–3 კვირა.  აქედან გამომდინარე, მეორე ტურის შედეგები სავარაუდოთ გამოქვეყნდება   იანვრის ბოლოდან  თებერვლის დასაწყისში. ნებისმიერი სიახლე   საგნობრივ ოლიმპიადასთან დაკავშირებით შეგიძლიათ იხილოთ გამოცდების ეროვნული ცენტრის ვებ–გვერდზე:  www.naec.ge

 

 
შეკითხვა

ჩემი შვილი 23 აგვისტოს გახდება  5 წლის  და წელს სავალდებულოა სკოლაში მიყვანა?

პასუხი

ბრძანება 5 წლის ბავშვის სკოლაში მიღებასთან დაკავშირებით არსებობს, რომელიც ძალაში შევიდა 2010 წლის 31 მაისს. აღნიშნული ბრძანების თანახმად, ,, საქართველოს ზოგადსაგანმანათლებლო დაწესებულებებში სასწავლო წელს პირველ კლასში ჩაირიცხებიან ბავშვები, რომლებსაც 6 წელი შეუსრულდებათ შესაბამისი სასწავლო წლის დასრულებამდე’’. სასწავლო წელი კი სრულდება 20 მაისს პირველკლასელთათთვის, ხოლო 15  ივნისს  დანარჩენი მოსწავლეებისთვის.  ბრძანების სრული ვერსია იხილეთ შემდეგ ბმულზე:

http://www.mes.gov.ge/content.php?id=193&module=legislation&page=detals&leg_id=1065

 
შეკითხვა

ვარ მე–12 კლასში საპატიო მიზეზით გამიცდა პირველი სემესტრის 1/2–ზე მეტი. ვიცი რომ  წლის განმავლობაში 1/2–ზე მეტი რომ გავაცდინო უნდა ჩავაბარო ექსტერნატის   გამოცდა.  შევფასდები თუ პირველ სემესტრში?

პასუხი

თუ საბაზო/საშუალო საფეხურის მოსწავლემ სემესტრის განმავლობაში გააცდინა კონკრეტული საგნისთვის ერთი სასწავლო წლის მანძილზე დათმობილი საათების 1/4 და მეტი, მაგრამ 1/2-ზე ნაკლები, მის სემესტრულ ნიშანს დააკლდება 20%. თუ მოსწავლეს არ აკმაყოფილებს მიღებული ნიშანი, მას მიეცემა საშუალება, გავიდეს სკოლის მიერ ორგანიზებულ სემესტრულ გამოცდაზე. ხოლო თუ  საშუალო საფეხურის მოსწავლემ გააცდინა კონკრეტული საგნისთვის ერთი სასწავლო წლის მანძილზე გათვალისწინებული საათების 1/2-ზე მეტი, იგი ამ საგანში არ იღებს საგნის წლიურ ნიშანს. აღნიშნულ საგანში შეფასებას იღებს ექსტერნატის ფორმით გამოცდის დაძლევის საფუძველზე.(ეროვნული სასწავლო გეგმა, 2010–2011 სასწავლო წელი).

 
შეკითხვა

მაინტერესებს, სად შეიძლება შევიძინო მაძიებლის სახელმძღვანელო?

პასუხი

მაძიებლის სახელმძღვანელოს შეგიძლიათ გაეცნოთ  მასწავლებელთა პროფესიული განვითარების ეროვნული ცენტრის  ვებ–გვერდზე, ხოლო წიგნის შეძენასთან დაკავშირებით დაუკავშირდით ამავე ცენტრს შემდეგ ნომერზე: ( +99592 ) 95–82– 01
იხილეთ შემდეგი ბმული: http://www.tpdc.ge/index.php?option=com_content&view=article&id=16&Itemid=63

 
შეკითხვა

სად შეიძლება წავიკითხო ინფორმაცია მასწავლოებლის და მოსწავლის უფლებებზე?

პასუხი

მოცემული საკითხები შეგიძლიათ იხილოთ საქართველოს კანონში ზოგადი განათლების შესახებ:

http://tpdc.ge/images/stories/pdf/zogadi%20ganatlebis%20shesaxeb.pdf

 
შეკითხვა
წელს ჩავაბარე რეზიდენტურაში. მაქვს სურვილი სწავლა გავაგრძელო საძღვარგარეთ, კერძოდ ინგლისში. არის თუ არა რაიმე პროგრამა რომელიც აფინანსებს სამედიცინო სწავლებას და რა დონეზეა საჭირო ინლისურიენის ცოდნა?
პასუხი
ნებისმიერი უნივერსიტეტი ენის ცოდნის დონეს ითხოვს ინდივიდუალურად. განათლებისა და მეცნიერების სამინისტროს ვებგვერდზე არის განთავსებული ინფორმაცია საზღვარგარეთ სწავლის გაგრძელების მსურველთათვის. იხილეთ ბმული: http://www.mes.gov.ge/content.php?id=218&lang=geo აგრეთვე იხილეთ უმაღლესი განათლებისა და მეცნიერების განვითარების დეპარტამენტის უცხოეთში საგანმანათლებლო პროგრამების შესახებ ინფირმაცია: http://mes.gov.ge/content.php?id=667&lang=geo ასევე შეგიძლიათ ინფორმაცია მიიღოთ თბილისის სახელმწიფო სამედიცინო უნივერსიტეტის ვებგვერდიდან. იხილეთ საერთაშორისო ურთიერთობათა დეპარტამენტის ბმული: http://www.tsmu.edu/index.php?option=com_content&view=article&id=153&Itemid=48
 
შეკითხვა
შესაძლებელია თუ არა საქართველოში დავხურო პირველი კურსი და მეორე კურსიდან სწავლა განვაგრძო ესპანეთის ან სხვა რომელიმე ევროპული ქვეყნის უნივერსიტეტში?
პასუხი
საზღვარდარეთ სწავლის გაგრძელებასთან დაკავშირებით დაწვრილებითი ინფორმაციისათვის მიმათეთ საქართველოს განათლებისა და მენცნიერების სამინოსტროს ან იმ უნივერსიტეტის საგარეო ურთიერთობათა დეპარტამენტს, რომელი უნივერსიტეტის სტუდენტიც ხართ. იხილეთ ბმული: 1) http://www.mes.gov.ge/content.php?id=218&lang=geo
 
შეკითხვა
საერთაშორისო ოლიმპიადაზე დაუშვეს თუ არა ბილოგია?
პასუხი
2010-2011 სასწავლო წლის 31 ოქტომბრიდან 28 ნოემბრანდე ჩატარდება ეროვნული სასწავლო ოლიმპიადის პირველი ტური. ბიოლოგია (20 ნოემბერს X-XI; XII კლასელებისთვის ) შედის იმ საგანთა ჩამონათვალში რომლის ჩაბარებაჩ შეუძლიათ მოსწავლეებს.
 
შეკითხვა

სომხური სკოლის მე–2 კლასში ქართულის 5 საათია. მაქვს თუ არა უფლება ეს საათები გავანაწილო შემდეგნაირად: 2 : 2 : 1 ( ანუ კვირაში სამი დღე ).

პასუხი

საათების გადანაწილებასთან დაკავშირებით გადაწვეტილებას იღებს  სკოლა, თუმცა თქვენს კონკრეტულ საგანთან დაკავშირებით სასურველი და მეთოდურად უფრო გამართლებულია, რომ საათები კვირის თითოეულ დღეზე გადაანაწილოთ. რადგან მეორე ენის შესწავლისთვის, განსაკუთრებით დაბალ კლასებში, მნიშვნელოვანია, რომ მოსწავლეებს ყოველდღე უტარდებოდეთ ქართული ენის გაკვეთილები.

 
პირველი გვერდი > [2] > [3] > [4] > [5] > [6] > [7] > [8] > [9]
საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze