GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

 მასწავლებელთა სერტიფიცირება
შეკითხვა

განათლებით ვარ ქიმიკოსი თუმცა სპეციალობით არ მიმუშავია.შესაძლებელია თუ არა სასერთიფიკაციო გამოცდები გავიარო,ოღონდ დაწყებითი კლასების პედაგოგობისათვის. რა სახელმძღვანელოებით შეიძლება ვიხელმძღვანელო და რა საგნებში?

პასუხი

თუ თქვენ გაქვთ ზოგად საგანმანათლებლო დაწესებულებაში მუშაობის ერთწლიანი  გამოცდილება, მიუხედავად იმისა,რომ განათლებით ხართ ქიმიკოსი  შეგიძლიათ სასერთიფიკაციო გამოცდაზე გასვლა დაწყებითი კლასებში მასწავლებლობის უფლების მოსაპოვებლად.2011 წელს სასერთიფიკაციო გამოცდა  ტარდება დაწყებითი  კლასების პედაგოგებისთვის 1–4 კლასის ჩათვლით,  გამოცდები იქნება ზოგად უნარებში და საგნობრივ ნაწილში, რომელიც მოიცავს  მათემატიკას, ბუნებას და ქართულს.სახელმძღვანელოებთან დაკავშირებით დაუკავშირდით გამოცდების ეროვნულ ცენტრს.20–62–32

 
შეკითხვა

არსებობს თუ არა იმის დამადასტურებელი რაიმე დოკუმენტი , რომ 2010 წელს ნამდვილად ჩავაბარე 2010 წლის სასერტიფიკაციო გამოცდა უნარებში? და ნამდვილად მენახება თუ არა ეს ქულა 2011 წლის საგნობრივ გამოცდამდე?

პასუხი

თუ თქვენ 2010 წელს ჩააბარეთ სასერთიფიკაციო გამოცდა უნარებში და გადალახეთ მონიმალური ზღვარი, მაშინ ეს შედეგები აუცილებლად შეგენახებათ  და მომდევნო სასერთიფიკაციო გამოცდაზე ჩააბარებთ მხოლოდ  საგნობრივ გამოცდას.

 
შეკითხვა

მაინტერესებს,რა დონეზე მოეთხოვებათ ინგლისურის ცოდნა სერტიფიცირებულ პედაგოგებს,
რას ისახავს მიზნად ოქსფორდის ტრენინგ-პროგრამა?

პასუხი

ეროვნული სასწავლო გეგმა და დაწყებითი, საბაზო  და საშუალო საფეურის უცხოური ენის სტანდარტი ევროსაბჭოს ,,ენების ერთიანი სარეკომენდაციო ჩარჩოს’’ მითითებების გათვალისწინებით შეიქმნა. სარეკომენდაციო ჩარჩო განსაზღვრავს ენის ფლობის სამ ძირითად დონეს: A, B და C. ეს სამი დონე ექვს განშტოებად იყოფა: A1,  A2, B1, B2, C1, C2.ეროვნული სასწავლო გეგმის მიხედვით, უცხოური ენის მოსწავლის სტანდარტი მიზნად ისახავს B1 დონის დაძლევას, ხოლო მასწავლებლის სტანდარტი შეესაბამება B2 დონის მოთხოვნებს.
უცხოური ენების საგნობრივი სტანდარტი შეგიძლიათ იხილოთ შემდეგ ბმულზე:
http://www.tpdc.ge/images/stories/pdf/ucxouri_enebi.pdf
ხოლო, რაც შეეხება ოქსფროდის ტრენინგ პროგრამებს, იგი მიმართულია სერთიფიცირებულ მასწავლებელთა მომზადებისთვის მარტის თვეში გამოცდის ჩასაბარებლად, რადგან როგორც განათლებისა და მეცნიერების მინისტრმა განაცხადა, სერტიფიცირებული პედაგოგები, რომლებიც ინგლისურ ენასა და კომპიუტერულ პროგრამებში გამოცდას ჩააბარებენ და მინიმალურ კომპეტენციებს გამოავლენენ, სახელფასო დანამატს მიიღებენ.
ტრენინგს განახორციელებენ ოქსფორდის უნივერსიტეტის ლიცენზირებული პედაგოგები.

 
შეკითხვა

რა სახელმძღვანელოებით უნდა ვისარგებლო სასერთიფიკაციო გამოცდისთვის გეოგრაფიაში.

პასუხი

მასწავლებელთა პროფესიული განვითარების ეროვნული ცენტრის ვებ–გვერდზე შეგიძლიათ იხილოთ სახელმძღვანელოები, რომლებიც დახმარებას გაგიწევთ მასწავლებელთა პროფესიული უნარების გამოცდისათვის მოსამზადებლად. http://tpdc.ge/index.php?option=com_content&view=article&id=16&Itemid=63

 
შეკითხვა

აქვს თუ არა მაძიებელს   ანაზღაურება/ხელფასი?

პასუხი

საქართველოს კანონში ზოგადი განათლების შესახებ 21(4) მუხლში მითითებულია, რომ :,, ზოგადსაგანმანათლებლო დაწესებულება უფლებამოსილია მაძიებლობის პერიოდის განმავლობაში მასწავლებლობის მაძიებელს აუნაზღაუროს შრომა. მასწავლებლის სერტიფიცირებისათვის არ აქვს მნიშვნელობა, იღებს თუ არა მასწავლებლობის მაძიებელი შრომის ანაზღაურებას.
 მაძიებლობის პროგრამასთან დაკავშირებით მასწავლებელთა პროფესიული განვითერების ეროვნულმა ცენტრმა გამოუშვა მაძიებლის სახელმძღვანელო,რომელიც შეგიძლიათ იხილოთ შემდეგ ბმულზე: http://www.tpdc.ge/index.php?option=com_content&view=article&id=16&Itemid=63

 
შეკითხვა

ვარ სერთიფიცირებული პედაგოგი. მაინტერესებს რა პრინციპით მოხდა მათგან მენტორ-მასწავლებლებად შერჩევა?

პასუხი

2010-2011 სასწავლო წლისთვის მენტორებად შეირჩევიან ის მასწავლებლები, რომელთაც წარმატებით ჩააბარეს სასერტიფიკაციო გამოცდა და მიიღეს მაღალი შეფასება. ამასთან, მენტორი უნდა იყოს მოქმედი მასწავლებელი და ჰქონდეს სკოლაში მუშაობის მინიმუმ 3-წლიანი გამოცდილება.

 
შეკითხვა

მაქვს უმაღლესი პედაგოგიური განათლება, ,,ხატვა ხაზვა და შრომითი დისციპლინები"–ის
სპეციალობით. მაქვს სკოლაში მუშაობის ერთ წელზე მეტი სტაჟი. ასევე მაქვს უმაღლესი
სამედიცინო განათლება. შემიძლია თუ არა ტესტირება გავიარო საბუნებისმეტყველო
მეცნიერებებში, კერძოდ ბიოლოგიაში და რა არის ამისთვის საჭირო?

პასუხი

მასწავლებელთა სასერთიფიკაციო გამოცდებზე გასასვლელად საჭიროა სკოლაში მუშაობის მინიმუმ ერთწლიანი სტაჟი და უმაღლესი განათლება. თქვენ შეგიძლიათ ტესტირების გავლა საბუნებისმეტყველო მეცნიერებებში. 2011 წლის ივლისში, მომავალი სასერთიფიკაციო გამოცდების ჩატარება იგეგმება სწორედ საბუნებისმეტყველო მეცნიერებებში, რეგისტრაციის გავლა კანდიდატებისათვის დაიწყება 2011 წლის თებერვლიდან მარტამდე.
მასწავლებელთა პროფესიული განვითარების ეროვნული ცენტრის ვებ–გვერდზე სერთიფიცირებასთან დაკავშირებული ნებისმიერი სიახლის გარდა შეგიძლიათ იხილოთ სახელმძღვანელოები, რომლებიც დახმარებას გაგიწევთ მასწავლებელთა პროფესიულ  უნარებში  გამოცდისათვის მოსამზადებლად.
http://tpdc.ge/index.php?option=com_content&view=article&id=16&Itemid=63
აგრეთვე შეგიძლიათ გადახედოთ 2010 წლის ზაფხულში ჩატარებულ სასერთიფიკაციო გამოცდებზე გამოყენებულ ტესტებს, რომლებიც შეგიძლიათ იხილოთ გამოცდების ეროვნული ცენტრის ვებ–გვერდზე: http://www.naec.ge/index.php?id=401&lang=geo

 
შეკითხვა

ტარდება თუ არა იანვარში პედაგოგთა სასერთიფიკაციო გამოცდები?

პასუხი

იანვარში არ ტარდება სასერთიფიკაციო გამოცდები. შემდეგი სასერთიფიკაციო გამოცდა ტარდება 2011 წლის ივლისში. ხოლო რეგისტრაცია გამოცდის ჩაბარების მსურველებმა უნდა გაიარონ 2011 წლის თებერვლიდან მარტის თვემდე.

 
შეკითხვა

განათლებით ვარ ქიმიკოსი. რა სახელმძღვანელოებით უნდა ვიხელმძღვანელო სასერტიფიკაციო გამოცდებისთვის მოსამზადებლად?

პასუხი


კონკრეტულად ქიმიის მიმართულებით სასერთიფიკაციო გამოცდებისთვის მოსამზადებელი სახელმძღვანელო არ არსებობს. მასწავლებელთა პროფესიული განვითარების ეროვნული ცენტრის ვებ–გვერდზე შეგიძლიათ იხილოთ სახელმძღვანელოები, რომლებიც დახმარებას გაგიწევთ მასწავლებელთა პროფესიული უნარების გამოცდისათვის მოსამზადებლად. http://tpdc.ge/index.php?option=com_content&view=article&id=16&Itemid=63
აგრეთვე შეგიძლიათ გადხედოთ 2010 წლის ზაფხულში ჩატარებულ სასერთიფიკაციო გამოცდებზე გამოყენებულ ტესტებს. რომლებიც შეგიძლიათ იხილოთ გამოცდების ეროვნული ცენტრის ვებ–გვერდზე. http://www.naec.ge/index.php?id=401&lang=geo

 
შეკითხვა
გთხოვთ გამაგებინოთ მასწავლებლობის მაძიებელთა რეგისტრაცია სად შეიძლება გავიარო?
პასუხი
მასწავლებლობის მაძიებელთა რეგისტრაცია დაიწყო 21 საქტემბერს და გასტანს 5 ოქტომბრამდე, მსურველებს შეუძლიათ დაწვრილებითი ინფორმაციისათვის იხილონ მასწავლებელთა პროფესიული განვითარების ეროვნული ცენტრის ვებგვერდზე განთავსებული მასწავლებელთა რეგისტრაციის ფორმა: http://www.tpdc.ge/index.php?option=com_content&view=article&id=8166:2010-09-21-07-40-22&catid=1:2010-07-05-08-51-38&Itemid=122&lang=ka
 
პირველი გვერდი > [2] > [3] > [4] > [5] > [6]
საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze