GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  

 ინკლუზიური განათლება
შეკითხვა

ვცხოვრობ საჩხერეში, მყავს პირველკლასელი შვილი (პირველი ჯგუფის ინვალიდი), რომელსაც
აქვს გონებრივი ჩამორჩენა (დიაგნოზი აქვს დაუნის სინდრომი). ეხლა, უკვე სასწავლო წლის
დასასრულს კლასის დამრიგებელმა მითხრა, რომ ბავშვს ახალი სასწავლო წლიდან ვერ
გადაიყვანენ მომდევნო კლასში. მიპასუხეთ, აქვთ თუ არა მათ ამის უფლება?

პასუხი

თუ ბავშვმა ვერ შეძლო სასწავლო პროგრამის დაძლევა,სკოლას აქვს უფლება მოსწავლე არ გადიყვანოს მომდევნო სასწავლო საფეხურზე. რაც შეეხება ამ კონკრეტულ შემთხვევას ინკლუზიურ განათლებასთან დაკავშირებით არსებობს განათლების სამინისტროში  სპეციალური განყოფილება.ისინი შეძლებენ თქვენს დახმარებას და რჩევის მოცემას ,თუ როგორ უნდა მოიქცეთ შემდგომ ეტაპზე.

განათლების სამინისტროსთან კონტაქტი შესაძლებელია ამ კოორდინატების საშუალებით:

0102 თბილისი, დიმიტრი უზნაძის N52

ტელ: (995 32) 2 200 220

ელ.ფოსტა: pr@mes.gov.ge

მოგვწერეთ კითხვები - Facebook.com
შიდა აუდიტის დეპარტამენტის ცხელი ხაზი:
(995 32) 2 318 950

 
შეკითხვა

ჩვენი რაიონის ერთ-ერთ სკოლაში სწავლობს ყრუ-მუნჯი ბავშვი. ის უკვე მე–10 კლასშია, შეფასებულია ფრიადით. რაიონში არ არის შესაბამისი სკოლა. ამ ბავშვს აქვს უფლება იაროს ზოგადსაგანმანათლებლო სკოლაში?

პასუხი

კანონში ზოგადი განათლების შესახებ 9 მუხლის მესამე პუნქტის თანახმად ნებისმიერი შესაძლებლობის ადამიანს უფლება აქვს მიიღოს სრულფასოვანი ზოგადი განათლება ნებისმიერ ზოგადსაგანმანათლებლო დაწესებულებაში. ,,განათლების სისტემის მართვის ორგანოები ქმნიან სპეციალურ და კორექციულ ზოგადსაგანმანათლებლო პროგრამებს, რომელთა შესაბამისად ხორციელდება მათი აღზრდა, სწავლება, მკურნალობა, სოციალური ადაპტაცია და საზოგადოებრივ ცხოვრებაში ინტეგრაცია. ასეთ მოსწავლეთა დაფინანსებას უზრუნველყოფს სახელმწიფო.’’ ( კანონი ზოგადი განათლების შესახებ; მუხლი 9)
ასევე პედაგოგს კანონი ავალდებულს სასწავლო პროცესი წარმართოს მოსწავლის ინდივიდუალური შესაძლებლობების გათვალისწინებით.

 
შეკითხვა

ყველა სკოლაში უნდა იყოს ინკლუზიური სწავლება, თუ განათლების სამინისტროს შერჩეული აქვს სკოლები ასეთი სწავლების დასანერგად?

პასუხი

ზოგადი განათლების კანონის თანახმად, არცერთ სკოლას არ აქვს უფლება შეზღუდული შესაძლებლობების მოსწავლეს მიღებაზე უარი უთხრას. გამონაკლისი ის შემთხვევაა, როდესაც სკოლას შეუძლია დaასაბუთოს, რომ მას არ აქვს სათანადო პირობები იმისთვის, რომ კონკრეტული პრობლემების მქონე მოსწავლის განათლება შეძლოს.
სკოლამ ყურადღება უნდა დაუთმოს სპეციალური საგანმანათლებლო საჭიროების მქონე მოსწავლეებს და მათთვის ინდივიდუალური სასწავლო სტრატეგიები შეიმუშავოს.
ინკლუზიური განათლების მეთოდოლოგიების შემუშავება და დანარგვა დაიწყო განათლებისა და მეცნიერების სამინისტრომ, ეროვნული სასწავლო გეგმებისა და შფასების ცენტრმა, განათლების, მართვის, დაგეგმვისა და პოლიტიკის ცენტრთან (EPPM) ერთად. პირველ ეტაპზე, ინკლუზიური განათლების დანერგვის მცდელობა მოხდება თბილისის 10 სკოლაში.

 
შეკითხვა

რას გულისხმობს ინკლუზიური განათლება და რა მიმართულებით განვითარდება?

პასუხი

ინკლუზიური განათლება ნიშნავს შეზღუდული შესაძლებლობების მქონე მოსწავლეების თანატოლებთან ერთად ზოგადსაგანმანათლებლო სკოლებში სწავლას. ინკლუზიური განათლების ძირითადი პრინციპია, რომ ყველა მოსწავლე, მიუხედავად მათ შორის არსებული განსხვავებებისა და თავისებურებების, სკოლაში ერთად უნდა სწავლობდეს. სწორედ ამიტომ, ინკლუზიური განათლება გულისხმობს, როგორც შეზღუდული შესაძლებლობების მქონე, ასევე ეთნიკური უმცირესობების წარმომადგენლების, მაწანწალა, უსახლკარო და სოციალური პრობლემების მქონე ბავშვების ჩართვას სასკოლო ცხოვრებაში. ყველა ეს მოსწავლე სპეციალური საგანმანათლებლო მოთხოვნებისა და საჭიროებების მქონე მოსწავლედ ითვლება.
ინკლუზიური განათლების მიზნებია სპეციალური საგანმანათლებლო საჭიროებების მქონე ბავშვების განათლების ხელშეწყობა, მათი სოციალური ინტეგრაცია, მათი ინტერესებისა და შესაძლებლობების გამოვლენა და განვითარება. სკოლამ სათანადო პირობები უნდა შექმნას, რათა შეზღუდული შესაძლებლობის მქონე ბავშვებმა შეინარჩუნონ და განავითარონ თავიანთი სულიერი სამყარო, დაიცვან საკუთარი აზრი, უფლებები და პიროვნული ღირსება.

 
საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze