GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

 ექსტერნატის გამოცდები
შეკითხვა

ჩატარდება თუ არა 2013 წლის გაზაფხულზე ექსტერნატის გამოცდები და რომელი ასაკის მოსწავლეებს შეეძლებათ გამოცდაზე გასვლა?

პასუხი

2013 წლის გაზაფხულზე ექსტერნატის გამოცდების ჩატარება აღარ იგეგმება. გამოცდები სავარაუდოდ ჩატარდება 2013 წლის შემოდგომაზე, თუმცა ზუსტი თარიღი ჯერ-ჯერობით ცნობილი არ არის. ექსტერნატის გამოცდაზე გამსვლელი მოსწავლის ასაკი უნდა შეესაბამებოდეს წინმსწრები კლასის მოსწავლის ასაკს.

 
შეკითხვა

ვარ 1995 -იანი და 10 კლასის მეორე ეტაპზე გამოვედი სკოლიდან და მაინტერესებს შემდეგში
და როდის? შეიძლება ექსტერბნად ჩაბარება?

და რამდენ საგანში

პასუხი

ექსტერნატის ფორმით მიღებული განათლების სერთიფიცირების შესახებ 2011 წელს მიღებული დებულების მიხედვით, ექსტერნატის გამოცდა ბარდება ეროვნული სასწავლო გეგმით გათვალისწინებულ ყველა სავალდებულო საგანში შესაბამისი კლასისთვის და ექსტერნის მიერ არჩევითი საგნებიდან შერჩეულ საგანში/საგნებში. რაც შეეხება ვადებს "ექსტერნატის გამოცდის ჩატარების და ექსტერნად რეგისტრაციის ვადებს ადგენს სამინისტრო ინდივიდუალური ადმინისტრაციულ-სამართლებრივი აქტით."

 
შეკითხვა

მაინტერესებს შესაძლებელია თუ არა 1995 წლიანებისთვის ექსტენატის გამოცდების ჩაბარება?

პასუხი

,,პირს უფლება აქვს ექსტერნატის ფორმით ჩააბაროს ზოგადი განათლების ცალკეული კლასის/კლასების, ასევე ცალკეულ კლასში შემავალი საგნის/საგნების ზოგადსაგანმანათლებლო სასწავლო პროგრამა/პროგრამები იმ შემთხვევაში, თუ მისი ასაკი შეესაბამება ან აღემატება ექსტერნატის ფორმით დასაძლევი კლასის მოსწავლეთა ასაკობრივ ჯგუფს და მას დაძლეული აქვს წინმსწრები კლასის საგანმანათლებლო პროგრამა.’’ (ექსტერნატის ფორმით მიღებული განათლების სერტიფიცირების დებულება, მუხლი 2)

 
შეკითხვა

წელს ვაპირებ ჩავაბარო ექსტერნად  და რამდენი გამოცდის ჩაბარება მომიწევს და როდის იქნება გამოცდები?

პასუხი

ექსტერნატის ფორმით მიღებული განათლების სერთიფიცირების შესახებ 2011 წელს მიღებული დებულების მიხედვით,  ექსტერნატის გამოცდა ბარდება ეროვნული სასწავლო გეგმით გათვალისწინებულ ყველა სავალდებულო საგანში შესაბამისი კლასისთვის და ექსტერნის მიერ არჩევითი საგნებიდან შერჩეულ საგანში/საგნებში.   რაც შეეხება ვადებს "ექსტერნატის გამოცდის ჩატარების და ექსტერნად რეგისტრაციის ვადებს ადგენს სამინისტრო ინდივიდუალური ადმინისტრაციულ-სამართლებრივი აქტით."

 

 
შეკითხვა

გასულ წელს ჩავაბარე ექსტერნატის გამოცდები. ჩავიჭერი მხოლოდ ერთ საგანში. წელს ყველა გამოცდის ჩაბარება მომიწევს თავიდან თუ მხოლოდ იმ საგნის რომელშიც ზღვარი ვერ გადავლახე?

პასუხი

გასულ წელს ჩაბარებული ყველა საგანი შეგენახებათ და განმეორებით ექსტერნატის გამოცდაზე მოგიწევთ მხოლოდ დარჩენილი საგნის ან საგნების ჩაბარება, ასევე დარჩენილ საგნებს დაემატება 2011 წლის საატესატო გამოცდებზე ჩასაბარებელი სავალდებულო საგნები. დამატებითი ინფორმაცია ცნობილი გახდება მას შემდეგ რაც მზად იქნება ახალი ექსტერნატის დებულება.ასევე შეგიძლიათ დაუკავშირდეთ განათლებისა და მეცნიერების სამინისტროს ცხელ ხაზზე 31  89  40

 
შეკითხვა
როდის ჩატარდება ექსტერნატის გამოცდები 2011 წელს?
პასუხი
უკვე მიმდინარეობს ექსტერნატის გამოცდებისთვის რეგისტრაცია,თუმცა არ არის ჯერ კიდევ ზუსტი თარიღი ცნობილი, როდის ჩატარდება გამოცდები. მიმდინარეობს მუშაობა და მიმდინარე თვის ბოლოს მზად იქნება ექსტერნატის გამოცდების ახალი დებულება...
 
შეკითხვა
რა საგნები ბარდება მე-12 კლასის ექსტერნის გამოცდაზე?
პასუხი
ზოგადი განათლების ცალკეული კლასის/კლასების, ცალკეულ კლასში შემავალი საგნის/საგნების ექსტერნატის ფორმით დაძლევის გამოცდა ტარდება შესაბამისი კლასისათვის ეროვნული სასწავლო გეგმით გათვალისწინებულ ყველა სავალდებულო საგანში და ექსტერნის მიერ არჩევითი საგნებიდან შერჩეულ საგანში/საგნებში, გარდა ამ მუხლის მე-3 პუნქტით გათვალისწინებული გამონაკლისისა. 3. ექსტერნატის ფორმით გამოცდა არ შეიძლება ჩატარდეს შემდეგ საგნებში: ა) ესთეტიკური, შრომითი და ფიზიკური აღზრდა; ბ) სახელობო განათლება. (მუხლი 4, პუნქტი 2,3)
 
შეკითხვა
შეუძლია თუ არა 1994 წლის 1 იანვარს დაბადებულს მიიღოს მონაწილეობა ექსტერნატის გამოცდებში?
პასუხი
პირს უფლება აქვს ექსტერნატის ფორმით ჩააბაროს სრული ზოგადი განათლების დამამთავრებელი კლასის სასწავლო პროგრამა, თუ ეს პირი ექსტერნატის ფორმით გამოცდის ჩატარების წლის 31 დეკემბრის ჩათვლით ხდება 18 ან მეტი წლის. ამ შემთხვევაში პირს არ მოეთხოვება სრული ზოგადი განათლების დამამთავრებელი კლასის წინმსწრები კლასის საგანმანათლებლო პროგრამის დაძლევა. (მუხლი 2 პუნქტი 2)
 
შეკითხვა
წელს ექსტერნატის გამოცდებზე დამაკლდა 2 ქულა ბიოლოგიასა და ეკონომიკაში, მაინტერესებს უნდა ჩავაბარო თუ არა ყველა საგანი საატესტატო გამოცდებისთვის?
პასუხი
ექსტერნატის გამოცდებთან დაკავშირებით დაწვრილებითი ინფორმაციისათვის შეგიძლიათ მიმართოთ შესაბამისი რაიონის საგანმანათლებლო რესურს-ცენტრს. საქართველოში ყველა საგანმანათლებლო რესურს-ცენტრის შესახებ ინფორმაცია იხილეთ საქართველოს განათლებისა და მეცნიერების სამინისტროს ვებგვერდზე. იხილეთ ბმული: http://mes.gov.ge/content.php?id=207〈=geo
 
შეკითხვა
ყველა 1993 წელს დაბადებულ მეთერთმეტე კლასელს აქვს თუ არა უფლება ჩააბაროს ექსტერნატის გამოცდები?
პასუხი
,,პირს უფლება აქვს ექსტერნატის ფორმით ჩააბაროს ზოგადი განათლების ცალკეული კლასის/კლასების, ასევე ცალკეულ კლასში შემავალი საგნის/საგნების ზოგადსაგანმანათლებლო სასწავლო პროგრამა/პროგრამები იმ შემთხვევაში, თუ მისი ასაკი შეესაბამება ან აღემატება ექსტერნატის ფორმით დასაძლევი კლასის მოსწავლეთა ასაკობრივ ჯგუფს და მას დაძლეული აქვს წინმსწრები კლასის საგანმანათლებლო პროგრამა.’’ (ექსტერნატის ფორმით მიღებული განათლების სერტიფიცირების დებულება, მუხლი 2)
 
პირველი გვერდი > [2]
საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze