GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

 გამოცდები
შეკითხვა
რუსული სკოლებისთვის თუ არის რაიმე შეღავათი ერთიან ეროვნულ გამოცდებზე?
პასუხი
აბიტურიენტებს უფლება აქვთ მათემეტიკის, ისტორიის, გეოგრაფიის, ქიმიის, ფიზიკის, ბიოლოგიის გამოცდები ჩააბარონ რუსულ ენაზე. ასევე ზოგადი უნარების ჩაბარება შესაძლებელია როგორც რუსულ, ასევე სომხურ და აზერბაიჯანულ ენებზე.სხვა შეღავათი, რომელიც ეხებათ ეროვნული უმცირესობების აბიტურიენტებს, რუსულენოვან აბიტურიენტებზე არ ვრცელდებ. 2010 წელს სტუდენტებს, რომლებიც ერთიანი ეროვნული გამოცდების საფუძველზე ჩაირიცხებიან უმაღლეს სასწავლებლებში უფლება აქვთ მიიღონ გამოცდების ეროვნული ცენტრის მიერ ორგანიზებულ საგრანტო კონკურსში სახელმწიფო სასწავლო გრანტის მოპოვებისთვის ან გაზრდისთვის. სტუდენტთა საგრანტო კონკურსში სახელმწიფო სასწავლო გრანტის მოსაპოვებლად სტუდენტმა უნდა ჩააბაროს გამოცდა ზოგად უნარებში ქართულ ან რუსულ ენაზე.
 
შეკითხვა

 ნინო ხუციშვილი

  რა საგნებში უნდა ჩავაბარო გამოცდები მეთორმეტე კლასში?

პასუხი

 

 განათლებისა და მეცნიერების სამინისტროს გადაწყვეტილებით, 2011 წელს დამამთავრებელი კლასის მოსწავლეები ზოგადი განათლების დამადასტურებელი დოკუმენტის მისაღებად გამოცდებს ქართულ ენასა და ლიტერატურაში, უცხო ენაში, მათემატიკაში, ისტორიაში, გეოგრაფიაში, ფიზიკაში, ქიმიასა და ბიოლოგიაში ჩააბარებენ.

 

http://mes.gov.ge/content.php?id=874&lang=geo

 

 
შეკითხვა

   ანი ნიჟარაძე

 მაინტერესებს საატესტაციო გამოცდებს როგორი ფორმატი  ექნება და არსებობს თუ არა გარკვეული ბარიერი რომელიც უნდა გადალახო და იქნება თუ არა პროგრამული?

 

პასუხი

 

 

 

 

განათლებისა და მეცნიერების მინისტრი დიმიტრი შაშკინი  და და გამოცდების ეროვნული ცენტრის დირექტორი მაია მიმინოშვილი თბილისის №57-ე საჯარო სკოლას ეწვივნენ, სადაც 2011 წლის საატესტატო გამოცდებზე გამსვლელი ქულის დასადგენად მე-11 კლასის მოსწავლეებში პრეტესტი მიმდინარეობს.  დიმიტრი შაშკინის განცხადებით, დამამთავრებელ კლასში გამოცდების ჩაბარება სახელმწიფოს მისცემს გარანტიას, რომ  მოსწავლეები სკოლაში ზოგად  განათლებას რეალურად მიიღებენ. ამასთან, გაიზრდება მოსწავლეთა დასწრება და სკოლებში ყველა საგანი თანაბრად პრიორიტეტული გახდება.   

იმისათვის, რომ 2011 წლის საატესტატო გამოცდებისთვის მინიმალური კომპეტენციის ზღვარი დადგინდეს, შემთხვევითი შერჩევის პრინციპით, საქართველოს 36 რაიონის 62 სკოლა განისაზღვრა. აღნიშნულ სკოლებში 18–დან 21 მაისის ჩათვლით  საცდელი ტესტირებები ტარდება, რომელშიც მონაწილეობას მე–11 კლასის 1500–მდე მოსწავლე და შესაბამისი საგნების 500–ზე მეტი პედაგოგი იღებს. მოსწავლეები აპრობაციას ყველა იმ სავალდებულო საგანში გაივლიან, რომელიც მომავალ წელს ატესტატის ასაღებადარის  აუცილებელია. პედაგოგები ასევე შეავსებენ სპეციალურ კითხვარს.

საცდელი ტესტირებების შედეგების ანალიზით დადგინდება როგორც კომპეტენციის მინიმალური ზღვარი თითოეული გამოცდისათვის, ასევე ატესტატის გაცემის ოპტიმალური ფორმულა. აპრობაციების შედეგად გამოიცდება ასევე ტესტური დავალებები, განისაზღვრება საატესტატო გამოცდის ფორმატი და დადგინდება, კონკრეტულად რა მიმართულებით საჭიროებენ მოსწავლეები დახმარებას.

განათლებისა და მეცნიერების სამინისტროს გადაწყვეტილებით, 2011 წელს დამამთავრებელი კლასის მოსწავლეები ზოგადი განათლების დამადასტურებელი დოკუმენტის მისაღებად გამოცდებს ქართულ ენასა და ლიტერატურაში, უცხო ენაში, მათემატიკაში, ისტორიაში, გეოგრაფიაში, ფიზიკაში, ქიმიასა და ბიოლოგიაში ჩააბარებენ.

 

 
შეკითხვა

 

აკაკი ფოცხვერაშვილი

როდის იწყება ერთიანი ეროვნული გამოცდები?

პასუხი

  აღნიშნულ შეკითხვასთნ დაკავშირებით დეტალური ინფორმაციის ნახვა შეგიძლიათ შემდეგ ლინკზე:

 http://naec.ge/more.php?t=links.php&f=11&su=erterovgam2010&rig_no=1&id=155&lang=geo

 
შეკითხვა


კავზინაძე სალომე

ვარ რუსეთის მოქალაქე; 2010 წელს ვამთავრებ სკოლას. სწავლის გაგრძელება მინდა საქართველოში. რა პრივილეგიები მექნება მისაღებ გამოცდაზე? გმადლობთ.

სალომე, თქვენ შეგიძლიათ საქართველოში სწავლის გაგრძელებისთვის გამოიყენოთ ორი შესაძლებლობა:
1. დარეგისტრირდეთ 2010 წლის ეროვნული გამოცდებისთვის ინტერნეტის საშუალებით - შეავსოთ სარეგისტრაციო ანკეტა ვებგვერდზე www.naec.ge და გამოცდისთვის იქონიოთ ყველა ის დოკუმენტი, რომელიც ასეთ შემთხვევაში აუცილებელია რეგისტრაციისთვის.
2. ეროვნული გამოცდების ჩაბარების გარეშე ზაფხულის პერიოდში შეიტანოთ საბუთები საქართველოს განათლებისა და მეცნიერების სამინისტროში. თან უნდა იქონიოთ რუსეთის ფედერაციაში აპოსტილით დამოწმებული ატესტატი; ცნობა იმის თაობაზე, რომ ბოლო ორი წელი ცხოვრობდით რუსეთის ფედერაციაში; რუსულ ენაზე არსებული ყველა დოკუმენტის ნოტარიალურად დამოწმებული ქართული თარგმანი და განაცხადი, რომელსაც დოკუმენტაციასთან ერთად წარადგენთ სამინისტროში. თქვენი განაცხადი დოკუმენტებთან ერთად განიხილება და პასუხი გეცნობებათ. დამათებითი ინფორმაციისთვის შეგიძლიათ მიმართოთ საქართველოს განათლებისა და მეცნიერების სამინისტროს თანამშრომელს - ქალბატონ ეკა რურუას.


მარი კალანდაძე

გამარჯობა, ძალიან მაინტერესებს და გთხოვთ მიპასუხოთ, ექსტერნი გამოცდები როდის დაიწყება? და რამდენად რთული კითხვები იქნება?

გამოცდები ექსტერნატის ფორმით ჩატარდება 15 დეკემბრიდან 25 დეკემბრამდე. რეგისტრაცია მიმდინარეობს შესაბამის საგანმანათლებლო რესურსცენტრში 1 დეკემბრამდე. გამოცდების ფორმას და შინაარს ადგენს ის სკოლა, სადაც ჩატარდება გამოცდები ექსტერნატის წესით შესაბამისი კლასის სასწავლო გეგმიდან გამომდინარე.


თამუნა ქველიაშვილი

გამარჯობა.მაინტერესებს ექსტერნი გამოცდების ტესტების შესახებ: naec.ge-ზე
გამოქვეყნებული ტესტების მსგავსი თუ იქნება? გმადლობთ წინასწარ.


თამუნა, გააჩნია ექსტერნატის რომელ გამოცდასთან დაკავშირებით სვამთ კითხვას. დეკემბერში გამოცდები ექსტერნატის ფორმით ჩატარდება საგანმანათლებლო რესურსცენტრის მიერ განსაზღვრულ სკოლებში, სადაც გამოცდების ფორმასა და შინაარს ადგენს სკოლა. ეს იმას ნიშნავს, რომ გამოცდა შეიძლება იყოს როგორც ზეპირი, ასევე ტესტური ფორმით. რაც შეეხება გამოცდების ეროვნული ცენტრის მიერ მაისში დაგეგმილ ექსტერნატის გამოცდას, ის შეეხება ექსტერნატის მოქმედი დებულებით დამამთავრებელი კლასს. აქ უკვე უნდა იხელმძღვანელოთ იმ ტესტების ნიმუშებით, რომელსაც თავად გამოცდების ეროვნული ცენტრი ამზადებს. 2006 წელს ექსტერნატის ფორმით ცენტრის მიერ ჩატარებულ გამოცდაზე გამოყენებული ტესტები შეგიძლიათ ნახოთ ცენტრის ვებგვერდზე - www.naec.ge

 
შეკითხვა


ნინო ჭაბუკიანი:

გამარჯობათ, წლევანდელი მისაღები გამოცდების პირობები მაინტერესებს, შეიცვალა თუ არა რამე?! წინასწარ გიხდით მადლობას.


თქვენს შეკითხვაზე პასუხი იხილეთ შემდეგ ლინკზე: http://naec.ge/more.php?id=306&rig_no=102&lang=geo; ამასთანავე, ბმულის სახით გიგზავნით ერთიანი ეროვნული გამოცდების 2010 წლის პროგრამის პირველად ვარიანტს, რომელიც დამტკიცებას საჭიროებს სამინისტროსთან და სასწავლო გეგმების ცენტრთან თანამშრომლობით.


ნათია კაპანაძე:

გამარჯობათ,მაინტერესებს, როდის გამოვა საგამოცდო ცნობარი და ეროვნული გამოცდების ნიმუშების წიგნი.

გამოცდების ეროვნული ცენტრი ცნობარისა და ტესტების ნიმუშების გამოცემას დეკემბრის დასაწყისისთვის გვპირდება.

მამუკა ხაჩიშვილი:

შეიცვალა თუ არა 2010 წლისთვის საგამოცდო პროგრამა ქართულ ენასა და ლიტერატურაში?

პროგრამა ყოველწლიურად განიცდის ნაწილობრივ ცვლილებას. 2009 წლის ბოლომდე გამოცდების ეროვნული ცენტრი დაწვრილებით ინფორმაციას გამოაქვეყნებს ცვლილებების შესახებ.

მარი ბოლქვაძე:

მაინტერესებს, 2010 წელს გრანტი ისევ ზოგადებით გაიცემა?

დაფინანსების წესი შეიცვალა. სახელმწიფო გრანტი კვლავ სრული და ნაწილობრივი (100%, 70%, 50% და 30%&ნდასჰ;იანი) იქნება, თუმცა 2010 წლიდან სახელმწიფო დაფინანსება გაიცემა არა მხოლოდ ზოგადი უნარების, არამედ ყველა გამოცდის (სავალდებულო გამოცდებისა და ერთ-ერთი არჩევითი გამოცდის) შედეგის
მიხედვით, სადაც ზოგადი უნარების გამოცდის შედეგს ექნება წონა (კოეფიციენტი)
1,5. მაგალითად: თუ აბიტურიენტმა მიიღო ქართულ ენასა და ლიტერატურაში
169,1, ზოგად უნარებში 165,7, უცხოურ ენაში 164,8 და მათემატიკაში 164,0 მისი
საგრანტო ქულა იქნება 169,1 + 165,7X1,5 + 164,8 + 164,0 = 746,45 . 745,45 იქნება აბიტურიენტის საგრანტო ქულა, რომლითაც ის კონკურენციას გაუწევს სხვა აბიტურიენტებს დაფინანსების მოსაპოვებლად შემდეგი პრინციპით: სახელმწიფო დაფინანსების გაცემა მოხდება არა ერთიანი რეიტინგული სიის მიხედვით, არამედ ყოველი არჩევითი საგნისთვის (მათემატიკა, ისტორია, გეოგრაფია, ფიზიკა, ქიმია, ბიოლოგია, ლიტერატურა) შედგება საგრანტო ქულაზე დაფუძნებული რეიტინგული სია და კონკრეტული არჩევითი საგნისთვის გამოყოფილი თანხა ამ რეიტინგული სიის მიხედვით განაწილდება. მაგალითად: დაფინანსების მოსაპოვებლად ერთმანეთს კონკურენციას გაუწევს ყველა აბიტურიენტი, რომელმაც ჩააბარა მათემატიკა, ზუსტად ასევე ერთმანეთს შეეჯიბრებიან აბიტურიენტები, რომლებმაც ჩააბარებს ქიმია, ან ლიტერატურა და ა.შ.
აკადემიური უმაღლესი საგანმანათლებლო პროგრამის დაფინანსებისათვის გამოყოფილი თანხის 7% თანაბრად განაწილდება ყოველ არჩევით საგანზე (მათემატიკა, ისტორია, გეოგრაფია, ფიზიკა, ქიმია, ბიოლოგია, ლიტერატურა - თითოეულზე 1%). დარჩენილი 93% პროპორციულად განაწილდება აბიტურიენტების მიერ არჩევითი საგნის არჩევის რაოდენობის შესაბამისად (ე.წ. კონკურსის შესაბამისად).
თუ აბიტურიენტი ჩააბარებს რამდენიმე არჩევით საგანს, მისი დაფინანსება მოხდება
იმ არჩევითი საგნის სკალირებული ქულის შესაბამისად, რომლითაც ის მოიპოვებს
სწავლის გაგრძელების უფლებას კონკრეტული უმაღლესი საგანმანათლებლო დაწესებულების ფაკულტეტზე.
თუ აბიტურიენტი ჩააბარებს ფაკულტეტის მიერ მოთხოვნილ ორ ან მეტ არჩევითი საგნის გამოცდას, ის დაფინანსების კონკურსში მონაწილეობას მიიღებს იმ არჩევით საგანში მოპოვებული სკალირებული ქულით, რომლითაც მეტ დაფინანსებას მიიღებს, მიუხედავად იმისა, რომელი გამოცდის შედეგით ჩაირიცხება ამ ფაკულტეტზე.
თუ რომელიმე მიმართულებისათვის გამოყოფილი თანხა ბოლომდე ვერ იქნება ათვისებული, დარჩენილი რაოდენობა პროპორციულად გადანაწილდება არჩევით საგნებს შორის.
დეტალური ინფორმაცია ერთიან ეროვნულ გამოცდებზე ცვლილებების შესახებ შეგიძლია იხილოთ შემდეგ ბმულზე: http://www.ganatleba.ge/index.php?module=multi&page=detals&multi_id=1&id=230

 
შეკითხვა

ზვიო გვარლიანი:

გამარჯობათ. მაინტერესებს, სოციალურ და პოლიტიკურ მეცნიერებათა ფაკულტეტმა რა საგანი აირჩია მეოთხე საგნად?

უნივერსიტეტებს და ფაკულტეტებს ჯერ არჩევანი არ გაუკეთებიათ, მათი არჩევანი სავარაუდოდ შემდეგ კვირაში გამოქვეყნდება, თან თქვენ არ აკონკრეტებთ, რომელი უმაღლესი სასწავლებლის პოლიტიკურ და სოციალურ მეცნიერებათა ფაკულტეტი გაინტერესებთ. ერთადერთი, ილია ჭავჭავაძის სახელობის სახელმწიფო უნივერსიტეტმა გამოაცხადა უკვე თავის გადაწყვეტილება, მეოთხე საგანს ამ უნივერსიტეტში აბიტურიეტი ჩააბარებს საკუთარი არჩევანიდან გამომდინარე დასახელებული 7 საგნიდან, ანუ უნივერსიტეტი და ფაკულტეტები არ განსაზღვრავენ, რომელი საგანი ჩააბაროს მეოთხე საგნად აბიტურიენტმა, არამედ
აბიტურიენტი თვითონ აირჩევს მისთვის სასურველ მეოთხე საგამოცდო საგანს


ეკა ბერიძე:

სავალდებულო კი გახდა ოთხი გამოცდა, მაგრამ რატომ არ იდება ამდენი ხანი, რა ფაკულტეტზე დამატებით რის ჩაბარება გახდება საჭირო სამში ვემზადები და მეოთხე ჯერ ვერ გადავწყვიტე.

უნივერსიტეტებს და ფაკულტეტებს ჯერ არჩევანი არ გაუკეთებიათ; თანაც, ყველა უნივერსიტეტი ამ არჩევანს დამოუკიდებლად გააკეთებს.

რუსუდან ქიმერიძე:

გამარჯობათ, ვარ აბიტურიენტი და ამბობენ, რომ სავალდებულო ხდება 4 საგნის ჩაბარება. მაინტერესებს, რამდენად შეესაბამება სიმართლეს

ერთიან ეროვნულ გამოცდებს მეოთხე სავალდებულო გამოცდა დაემატება. განცხადება მთავრობის სხდომაზე განათლების მინისტრმა ნიკა გვარამიამ გააკეთა.
აბიტურიენტებს არჩევანის უფელბა შვიდი შეთავაზებული გამოცდიდან ექნებათ. ესენია: მათემატიკა, ფიზიკა, ბიოლოგია, ქიმია, ლიტერატურა, გეოგრაფია, და ისტორია. მინისტრის განცხადებით, მეთორმეტე კლასში მოსწავლეებს ზოგად უნარებში გაკვეთილები ჩაუტარდებათ. ნიკა გვარამიას განცხადებით, გადაწყდა, რომ არაქართულენოვანი აბიტურიენტები მხოლოდ ერთ გამოცდას ჩააბარებენ. ეს გამოცდა იქნება უნარ– ჩვევები, რომელსაც ისინი საკუთარ ენაზე ჩააბარებენ.

 
პირველი გვერდი > [2] > [3] > [4] > [5] > [6] > [7] > [8] > [9]
საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze