GEO AZ AR
ახალი ამბები პროექტის შესახებ კითხვა/პასუხი კონტაქტი  
კანონმდებლობა
ვაკანსიები/კონკურსები
 

კალენდარი
ორ სამ ოთხ ხუთ პარ შაბ კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

 გამოცდები
შეკითხვა
ექსტერნატის გამოცდაზე ჩაჭრილ მოსწავლეს აქვს თუ არა უფლება იმავე წელს ჩააბაროს ეროვნული გამოცდები?
პასუხი
თუ მოსწავლე ვერ დაძლევს საატესტატო გამოცდას რომელიმე საგანში, მას არ გადაეცემა დიპლომი. დიპლომის გარეშე კი აბიტურიენტს არ აქვს უფლება მონაწილეობა მიიღოს ერთიან ეროვნულ გამოცდებში.
 
შეკითხვა

შეიძლება თუ არა საატესტატო გამოცდებზე გერმანული ენის ჩაბარება ?

პასუხი

საატესტატო გამოცდებზე მოსწავლეს შეუძლია ჩააბაროს იმ უცხო ენებიდან  ერთ–ერთი, რომელსაც სწავლობს სკოლაში.

 
შეკითხვა

 მართალია თუ არა რომ 2011 წლის ბაკალავრიატის კურსდამთავრებულები ვერ აიღებენ დიპლომს, თუ არ ექნებათ ჩაბარებული ინგლისური ენის გამოცდა?

პასუხი

მოგახსენებთ, რომ აღნიშნული დებულება შეეხება იმ სტუდენტებს, რომლებიც 2011 წელს ჩაირიცხებიან უმაღლეს საგანმანათლებლო დაწესებულებაში. თუმცა დებულება ჯერ დამუშავების პროცესშია და შეიძლება კიდევ იყოს ცვლილებები. თუ თქვენ 2011 წელს ამთავრებთ ბაკალავრიატს, თქვენ არ მოგიწევთ ინგლისური ენის გამოცდის ჩაბარება დიპლომის ასაღებად.

 
შეკითხვა

შეიძლება თუ არა სადმე მოვიძიო ექსტერნის გამოცდებზე გამოყენებული ტესტების ნიმუშები?

პასუხი

ექსტერნის გამოცდებზე გამოყენებული ტესტების ნიმუშების ნახვა შეუძლებელია. დამატებითი ინფორმაციისათვის მიმართეთ რესურს–ცენტრს.

 
შეკითხვა

მაინტერესებს 2010–2011 წლის ექსტერნის გამოცდები როდის ჩატარდება და თუ არის რაიმე პროგრამა?

პასუხი

2010– 2011 წლის ექსტერნის გამოცდების ჩატარება იგეგმება დეკემბერში,ექსტერნის გამოცდებთან დაკავშირებით დაწვრილებითი ინფორმაციისათვის მიმართეთ თქვენი რაიონის რესურს–ცენტრს.

 
შეკითხვა

არის თუ არა საატესტატო გამოცდებში გლობალური პრობლემების გეოგრაფია?

პასუხი

განათლებისა და მეცნიერების სამინისტროს გადაწყვეტილებით, 2011 წელს დამამთავრებელი კლასის მოსწავლეები ზოგადი განათლების დამადასტურებელი დოკუმენტის მისაღებად გამოცდებს ქართულ ენასა და ლიტერატურაში, უცხო ენაში, მათემატიკაში, ისტორიაში, გეოგრაფიაში, ფიზიკაში, ქიმიასა და ბიოლოგიაში ჩააბარებენ.

 
შეკითხვა
არის თუ არა შესაძლებელი საატესტატო გამოცდებზე ინგლისური ენის ჩაბარება,თუკი სკოლაში ვსწავლობ მხოლოდ რუსულსა და გერმანულს?
პასუხი
უცხო ენის არჩევა შესაძლებელია სურვილესამებრ, ნებისმიერს შეუძლია აირჩიოს მისთვის სასურველი უცხო ენა საატესტატო გამოცდის ჩასაბარებლად.
 
შეკითხვა

როგორ მოხდება წელს მედლების გადანაწილება? საატესტატო გამოცდებამდე მიიღებენ მოსწავლეები მედლებს თუ გამოცდების შედგომ?

პასუხი

სავარაუდოდ საატესტატო გამოცდების შედეგების შემდგომ მოხდება მედლების გადაცემა მოსწავლეებისთვის, თუმცა დაწვრილებითი ინფორმაცია ცნობილი გახდება 2011წლის იანვრიდან.

 
შეკითხვა
რამდენია საატესტატო გამოცდების მინიმალური ზღვარი? როდის ჩატარდება და იქნება თუ არა კომპიუტერთან? სად დაიდება გამოცდების ნიმუშები?
პასუხი
საატესტატო გამოცდები ჩატარდება დაახლოებით ივნისის დასაწყისში, ბავშვები საგამოცდო ცენტრის ნაცვლად მათსავე სკოლაში ჩააბარებენ გამოცდებს. მოსწავლეებს მოუხდებათ მეთვალყურის თანდასწრებით უპასუხონ კომპიუტერის მიერ დასმულ კითხვებს. კითხვა საშუალო სიძლიერისა იქნება. თუ მოსწავლე წარმატებით უპასუხებს, შემდგომი კითხვები რთულდება, ხოლო თუ სწორად ვერ უპასუხებს, კითხვები გაიოლდება ანუ პროგრამა ტალღობრივად ამოწმებს ცოდნას და მოსწავლე იქვე იღებს პასუხს, ჩააბარა თუ არა გამოცდა. საატესტატო გამოცდის ჩაბარების შემდეგ აბიტურიენტი ჩვეულებრივ, საგამოცდო ცენტრში ჩააბარებს ერთიან ეროვნულ გამოცდებს. საატესტატო გამოცდების ნიმუშები დაიდება საქართველოს განათლებისა და მეცნიერების სამინისტროს ოფიციალურ ვებ-გვერდზე: www.mes.gov.ge
 
შეკითხვა
მაინტერესებს საატესტატო გამოცდებში თუ შედის ეროვნული გამოცდები? ჩაირიცხებიან თუ არა აბიტურიენტები უმაღლეს სასწავლებლებში საატესტატო გამოცდებით?
პასუხი
საატესტატო გამოცდები ტარდება იმისათვის, რომ მოსწავლემ აიღოს სკოლის დამამთავრებელი ატესტატი, მას შემდეგ რაც მოსწავლე წარმატებით ჩააბარებს საატესტატო გამოცდებს (გადალახავს ყველა სავალდებულო საგანში მინიმალურ ზღვარს, მას ეძლევა უფლება ჩააბაროს ეროვნული გამოცდები უმაღლეს სასწავლებელში სწავლის გასაგრძელებლად.
 
პირველი გვერდი > [2] > [3] > [4] > [5] > [6] > [7] > [8] > [9]
საავტორო უფლებები დაცულია, 2009 სამოქალაქო ინტეგრაციისა და ეროვნებათშორისი ურთიერთობების ცენტრი ვებ-გვერდი შექმნილია ეუთოს ეროვნულ უმცირესობათა უმაღლესი კომისრის ოფისის ფინანსური მხარდაჭერით დამზადებულია “ნოვატეკის” მიერ/ვებგვერდის დიზაინი გივი თვალავაძე Copyright 2009, Centre for Civil Integration and Inter-Ethnic Relations (CCIIR) All rights reserved Web-site is created with financial support of OSCE High Commissioner on National Minorities Created by “Novatech”/Designed by Givi Tvalavadze